Ang Regional Oversight Committee on Barangay Drug Clearing (ROCBDC) opisyal nga nagpanghimatuud nga ang 17 ka barangay sa munisipyo sa Pangantucan, Bukidnon malampusong nagpabilin ang ilang Drug-Cleared Status sa 6th ROCBDC CY 2025 nga gihimo sa DILG Regional Office 10, Masterson Avenue, Upper Carmen, Cagayan de Oro City, niadtong Nobyembre 11, 2025

Ang mga barangay nga nagpabilin ang ilang drug-cleared status mao ang: Adtuyon, Bangahan, Barandias, Concepcion, Gandingan, Kipaducan, Kimanait, Lantay, Langcataon, Madaya, Mendis, Malipayon, New Eden, Nabaliwa, Payad, Pigtauranan, ug Portulin.

Sumala sa social media post sa Pangantucan Municipal Police Station, ang pormal nga pag-ila gipahigayon sa Regional Director sa PDEA Regional Office X, uban sa presensya sa mga representante sa Department of Health (DOH), Philippine National Police (PNP), ug Department of the Interior and Local Government (DILG).

Ang deliberasyon gitambongan sa mga mayor nga lokal ug probinsyal nga opisyal sama sa PDEA Bukidnon, LGU Pangantucan nga gipangulohan ni Mayor Manolito G. Garces nga girepresentahan ni Ms. Joanne G. Tagros, senior admin asst. III, ug uban pa.

Kini nga kalampusan nagpakita sa lig-on nga kooperasyon tali sa lokal nga gobyerno, law enforcement, ug health agencies, uban sa aktibong suporta sa komunidad, aron mapalambo ang usa ka luwas ug walay droga nga palibot. (melbmadera)