Pasado alas 10:00 sa buntag sa Marso 19, 2026, manumpa sa katungdanan ang kapin sa 5,000 ka bag-ong na-promote nga mga magtutudlo sa Rehiyon 10

Gibutyag kini ni DepEd Bukidnon sports official Ariel Montecalvo atol sa press briefing kaniadtong Marso 16, 2026, sa Centennial Stage sa Malaybalay City, Bukidnon.

Ang mass oath-taking ceremony ipahigayon sa Bukidnon Sports Complex sa Barangay Laguitas, Malaybalay City.

Ang mga magtutudlo nga na-promote gikan sa mga probinsya sa Bukidnon, Misamis Oriental, Camiguin, Misamis Occidental, ug Lanao del Norte.

Sa alas 1:00 sa hapon sa maong adlaw, sa samang venue, gikatakda usab ang opening sa Northern Mindanao Athletic Association (NMRAA) Meet 2026, diin host ang Bukidnon. (melbmadera)

Ang Department of Energy (DOE), uban sa City Government of Valencia, nagpahigayon og random inspection sa mga gasolinahan sa Valencia City kaniadtong Marso 17, 2026. Gihimo ang kalihokan isip kabahin sa simultaneous inspection sa ubang local government units sa probinsya aron masubay ang presyo sa gasolina ug ang pagsunod sa mga regulasyon. Gipatuman ang inspeksyon pinaagi sa pakigtambayayong sa Local Price Coordinating Council (LPCC) sa Valencia City, kauban ang Department of Trade and Industry (DTI) ug ang Criminal Investigation and Detection Group (CIDG), aron masiguro ang pagsunod sa mga establisyemento sa price directives ug staggered price adjustments nga gipahamtang sa DOE. (PIAD – Valencia City)