Friday, November 20, 2026

Panid Bisaya

Quezon tribal community adunay bag-ong Municipal Tribal Chieftain

0

Central Mindanao Newswatch - local newspaper

Share this post?

Opisyal nga milingkod si Datu Bebot B. Mandanuay isip bag-ong Municipal Tribal Chieftain sa Quezon, Bukidnon, niadtong Mayo 28, 2026, isip manununod sa iyang amahan nga si Datu Marcelino E. Mandanuay, kinsa mipanaw niadtong Mayo 1, 2026

Ang tradisyonal nga seremonya sa Peg Tangkulo o Investiture Ceremony gipahigayon sa
Heritage Hall sa Barangay Libertad, Quezon, Bukidnon, ug gitambongan ni Mayor Pablo
Lorenzo III, mga sakop sa pamilya Mandanuay, mga tribal leaders, ug uban pang mga bisita.
Sumala sa Local Government Unit (LGU) sa Quezon, gipasiugda ni Mayor Lorenzo sa iyang
mensahe ang kamahinungdanon sa pagpreserba ug pagpalambo sa kultura ug tradisyon sa tribo
isip pundasyon sa ilang identidad, panaghiusa, ug kalig-on isip komunidad.
Sa iyang pakigpulong, misaad si Datu Bebot nga ipadayon ang maayong pagpangulo ug
panulondon nga gibiyaan sa iyang amahan, samtang maningkamot sa pagpanalipod ug pagatiman sa mga yutang kabilin alang sa kaayohan sa kasamtangan ug umaabot nga mga
henerasyon.
Nagpahayag usab ang lokal nga panggamhanan sa paglaum nga ang bag-ong lider magpadayon
sa matinud-anong pag-alagad sa iyang tribo ug mahimong instrumento sa paglig-on sa mga
inisyatiba alang sa pagpreserba sa kultura, tradisyon, ug mga katungod sa Indigenous Peoples sa
lungsod.
Ang paglingkod ni Datu Mandanuay isip Municipal Tribal Chieftain nagtimaan sa pagpadayon
sa liderato ug tradisyonal nga pagpangulo sa komunidad, nga adunay tumong nga mapanalipdan
ug mapalambo ang kabilin sa tribo alang sa umaabot. (melbmadera)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...