Gisugyot ni Bukidnon Governor ug Presiding Officer sa Regional Development Council (RDC)- 10 Infrastructure and Utilities Development Committee (InfraCom), Rogelio Neil P. Roque, ang pagtukod sa lima ka Technical Working Groups (TWGs) aron mas mapalig-on ang pagplano ug
pagpatuman sa mga programa ug proyekto sa imprastraktura ug utilities sa rehiyon

Sumala sa Local Government Unit (LGU) sa Bukidnon, gihimo ang maong sugyot atol sa second
quarter meeting sa RDC-10 InfraCom nga gipahigayon sa N Hotel sa Kauswagan, Cagayan de
Oro City, niadtong Hunyo 2, 2026.
Ang mga gisugyot nga TWGs magpunting sa mga prayoridad nga sektor, lakip ang energy,
transportation, social infrastructure sama sa mga eskwelahan, ospital, ug uban pang pasilidad
publiko, water-related infrastructure, ug information and communication technology (ICT).
Gilauman nga hisgutan ug aprobahan ang maong sugyot atol sa umaabot nga full council
meeting sa RDC-10 karong bulan sa Hunyo, isip kabahin sa paningkamot sa konseho nga
mapauswag ang koordinasyon ug implementasyon sa mga inisyatibang pang-imprastraktura sa
Northern Mindanao. (melbmadera)