Sakop na sa Barangay Casapa I sa Munisipyo sa Loreto, Agusan del Sur ang marijuana
plantation nga nadiskubri sa mga otoridad sa Bukidnon niadtong Agosto 14, 2026 ug dili na
sakop sa Barangay Canangaan, Cabanglasan, Bukidnon.

Kini ang giklaro sa Barangay Kapitan sa Canangaan nga si Monding Ogade sa mga tigbalita atol
sa sideline sa tree planting ug outreach program alayon sa kasaulogan sa 4 th Bukidnon Press
Freedom Week celebration kaniadtong Agosto 24, 2026 sa Sityo Butay sa Barangay Canangaan.
Ingon niya nga ang lugar adunay kalayoon nga 10 ngadto sa 20 kilometros gikan sa utlanan sa
Canangaan ug kini sulod na sa Barangay Casapa I sa Loreto.
Dugang niya nga kini nga hisgotanan angayan nga mahatagan og katin-awan aron dili
maapektohan ang ilang tinguha nga madeklarar nga drug cleared barangay ang Canangaan.

Base sa report, mokabat sa P400,000 ang gibanabanang kantidad sa kapin 2,000 ka punoan sa
marijuana nga gipanglarot ug gipangdaut sa hiniusang operasyon sa kapolisan, militar ug
Philippine Drug Enforcement Agency o PDEA Bukidnon sa maong dapit. (mebmadera)