Panid Bisaya
Lalaki, nahulog sa pangpang human giatake gamit ang bolo sa Valencia
0
0

Share this post?
Isa ka 50-anyos nga lalaki ang nakaplagang patay sa isa ka hilit ug lasangon nga lugar sa
Barangay Mt. Nebo, Valencia City, Bukidnon, duol sa Mountain View College, niadtong
Setyembre 8.
Base sa inisyal nga imbestigasyon sa Valencia City Police Station, giingong giatake sa 45-
singko-anyos nga suspek ang biktima gamit ang bolo niadtong Septiyembre 5.
Nakadagan ang biktima padulong sa daplin sa pangpang, apan nahulog kini sa giladmon nga
gibana-banang 80 hangtod 100 ka metros.
Human sa insidente, mikalagiw ang suspek, nga giingong ex-husband sa uyab sa biktima, ngadto
sa wala mahibalhing direksyon.
Pipila ka adlaw siyang gipangita sa iyang pamilya ug mga kauban hangtod nga nakaplagan ang
iyang lawas nga anaa na sa pagkadunot.
Gikuha kini sa Valencia City Rescue Team ug gidala sa punerarya alang sa hustong pagdumala.
(melbmadera)
Latest Article
Related Post
Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...