Patay ang giila nga Top leader sa New People’s Army (NPA) sa North Central Mindanao
Regional Committee (NCMRC) nga si Ka Rheda ug laing tulo ka mga sakop sa nahitabong
operasyon sa militar didto sa Barangay Bakingking, Esperanza, Agusan del Sur kaniadtong
Setyembre 12.

Si Ka Rheda nagdala sab sa alyas nga Toyang, Yoko, ug Kayuka ug siya ang Secretary General
sa NCMRC. Siya naila sa tinuod nga pangalan nga Julia Cagadas ug taga Tagoloan, Misamis
Oriental.
Patay sab ang iyang tulo ka mga sakop nga sila Ka Doydoy o Gerald Basason sa tinuod nga
pangalan; Rocha Mae Mirafuentes Bihag ug mas naila nga si alyas Ka Maki ug sumala pa
regional chairperson sa Editors Guild of the Philippines; ug si Junie Tumantan Mansiguao alyas
Ka Kikoy.
Sa nasangpit nga operasyon, tulo ang misurrender nga sila Ka Lian o Cherelyn Cuaresma,
Marlyn Taiquin o mas naila nga si Mayumi ug si Angelito Tahal Torres o mas naila nga si Ka
Erin ug Dugyot.
Naka-ikyas sa operasyon si Claire Dalagon o mas naila nga Ka Cluod ug si William Manliagayan
o mas naila nga Ka Kiven.
Sigun ni Brigadier General Siegfred Tubalado, 403rd Brigade Commander nga gidala ang
patayng lawas ni Ka Rheda sa Malaybalay City, Bukidnon kay siya ang giila nga Top NPA
Leader ug mas dali ang supervision sa kasundalohan.
Dugang niya nga kung makumpleto ang proseso sa mga papel sa transportasyon paingon sa
iyang pinuy-anan sa Tagoloan, Misamis Oriental, plano nila nga i-transport niadtong Setyembre
14 o sa sunod adlaw.
Gituohan ni Major General Marion Angcao, commander sa 4 th Infantry Division, nga mo-
surrender ra ang nabiling NPA ilabina nga ang isa sa mga nagtago-tago pa anak ni Ka Rheda nga
giingong buros pa gyud.
Gipaklaro ni Angcao nga puwede na man ideklara ang Bukidnon nga ubos na sa Stable Internal
Peace and Security (SIPS) apan target pa gihapon nila nga ma-neutralize ang nabiling NPA nga
naa sa walo pa sa pagpangulo ni Ka Jakim. (Sean G. Sulugan)