Friday, March 21, 2025

Author: Omar Rashid Z. Abdullah

23 ka LGU sa Bukidnon pasado sa 2024 Good Financial Housekeeping

Posted on by Omar Rashid Z. Abdullah

Ang lokal nga pangagamhanan sa Bukidnon, lakip ang 20 ka munisipyo ug duha ka dakbayan sa probinsya, nakapasar sa 2024 Good Financial Housekeeping sa ilang matag kategorya

Sumala kini sa Facebook post sa Department of the Interior and Local Government (DILG) Bukidnon.


Matod sa DILG Bukidnon, kini nga talagsaong milestone usa ka testamento sa walay paglubad nga paningkamot alang sa transparency, accountability, ug maayong pagdumala.


Gipasidunggan usab niini ang dedikasyon sa 23 ka LGU sa probinsya sa pagpanalipod sa labing taas nga mga sumbanan sa pagdumala sa pinansya, aron masiguro nga ang mga kapanguhaan sa publiko magamit nga epektibo alang sa kaayohan sa mga komunidad.


(Omar Rashid Z. Abdullah)

2 drug suspek nakorner sa Talakag

Posted on by Omar Rashid Z. Abdullah

Duha ka newly identified drug personalities ang nakorner sa buy-bust operation sa Sityo Mamaon, Brgy. Indulang, Talakag, Bukidnon, pasado ala 1:30 sa buntag niadtong Marso 4, 2025

Sumala sa report sa kapolisan, ang duha ka suspek parehong hingkod ug residente sa Purok 1A, Barangay 5, Talakag, Bukidnon.


Nasakmit gikan kanila ang shabu nga nagkantidad og Php 442,000.00.


Sa pagkutlo ning balita, gihikay na sa kapolisan ang kaso batok sa mga suspek tungod sa paglapas sa R.A. 9165 kon Comprehensive Dangerous Drugs Act of 2002.


Ang buy-bust operation gihimo sa hiniusang puwersa sa kapolisan, nga gilakip ang mga personahe gikan sa Talakag MPS, BUK PIU, ug 1004th MC sa RMFB 10.


(Omar Rashid Z. Abdullah)

Pinakaunang K9 Unit sa LGU Malaybalay, gipresenta

Posted on by Omar Rashid Z. Abdullah

Pormal nga gipresenta sa publiko ang pinakaunang K9 Detection Unit alang sa dugang seguridad sa dakbayan sa Malaybalay

Sumala sa kasayoran, natigayon kini atol sa 2nd Monday Convocation Program niadtong Pebrero 10, 2025.


Si Konsehal Royland M. Orquia, committee chair sa Peace and Order sa Sangguniang Panlungsod, nipasabot sa kamahinungdanon sa paggamit sa trained K9 tungod sa ilang abilidad sa pag-detect sa mga explosives, narcotics, ug uban pang matang sa hulga nga peligroso sa publiko.


Dugang pa niya, isa kini ka deterrent sa kriminalidad ug makatabang sa pagpalig-on sa public safety and security.


Nasayran nga pipila na ka local government units ang nihimog K9 unit sama sa Cebu City ug mga munisipyo, lakip na ang atong silingang siyudad nga Valencia City.


Ang Detection Dog Unit ubos sa pagdumala sa Mayor’s Office, samtang ang City Veterinary Office ang maghatag sa health care support.


Mikabat sa P70,000.00 ang pagpalit sa iro ug dugang P150,000.00 ang gigahin alang sa training ug operasyon niini. (Omar Rashid Z. Abdullah)

Lalaki gidunggab sa asawa sa Damulog

Posted on by Omar Rashid Z. Abdullah

Gidala sa hospital ang 63-anyos nga lalaki human gidunggab sa iyang 62-anyos nga asawa sa buntag sa Enero 23, 2025, sa Purok 9, Poblacion, Damulog, Bukidnon

Sumala sa report ni Police Captain Nilo C. Maderse, OIC sa Damulog Municipal Police Station, usa ka concerned citizen sa Damulog Public Market ang nitaho sa insidente ngadto sa buhatan sa kapolisan.

Ang pasiunang imbestigasyon nagpadayag nga ang usa ka panaglalis tali sa biktima ug ang suspek niulbo sa mainit nga komprontasyon tungod sa pangabugho. Atol sa ilang panaglalis, ang suspek nikuha og kutsilyo gikan sa kusina ug gidunggab ang biktima, nga nasamdan sa wala nga bahin sa dughan ug sa duha ka tuhod.

Ang biktima gidali pagdala sa Bukidnon Provincial Hospital sa Kibawe, Bukidnon (BPH) ug karon anaa sa lig-on nga kahimtang.

Ang mga responding police officer nakadakup sa suspek ug kasamtangan anaa siya sa kustodiya sa Damulog MPS. (Omar Rashid Z. Abdullah)

No. 1 Bukidnon PNP-PDEA watch-listed drug suspect nakorner sa buy-bust

Posted on by Omar Rashid Z. Abdullah

Nakorner sa hiniusang puwersa sa kapolisan ug PDEA ang usa ka high-value individual (HVI), kinsa No. 1 sa watchlist sa PNP-PDEA sa Bukidnon ug Top 7 usab sa Regional level

Ang lalaking nasikop, usa ka 35-anyos, may kapuyo, ug residente sa Purok 6, Barangay Casisang, Malaybalay City, Bukidnon.
Nasignit siya sa Purok 5, Brgy. 9, Malaybalay City, Bukidnon hapon sa Enero 11, 2025.
Nakuha gikan sa iyang posisyon ang gidudahang shabu nga nagkantidad og P272,000.00 ug P500.00 nga bill isip buy-bust money.
Kasong paglapas sa RA 9165 ang giandam batok sa suspek.
Gidala sa Provincial Forensic Unit ang mga nakumpiskang droga alang sa qualitative ug quantitative examinations.
Ang suspek nakorner sa hiniusang puwersa sa Malaybalay CPS, Bukidnon PIU, ug Bukidnon PDEA 10. (Omar Rashid Z. Abdullah)

Lalaki naghikog sa Dangcagan

Posted on by Omar Rashid Z. Abdullah

Nadiskobrehan nga naghikog ang usa ka 23-anyos nga ulitawo sulod sa ilang panimalay sa Purok 1, Brgy. Poblacion, Dangcagan, Bukidnon, buntag sa Enero 2, 2025

Sa imbestigasyon sa Dangcagan Municipal Police Station, nasayran nga nag-inom og ilimnong

makahubog ang biktima uban sa iyang mga higala sayo sa gabii niadtong Enero 1, 2025, sa Purok 3, Poblacion, Dangcagan, Bukidnon ug nipauli mga alas 4:00 sa buntag sa Enero 2, 2025.


Dugang pa, mga alas 7:00 sa buntag sa samang petsa, nanuktok ang iyang inahan sa pultahan sa iyang lawak apan walay tubag.


Giablihan niya ang pultahan ug nadiskubrehan niya ang iyang anak nga naglingkod ug naghigot og electrical wire sa liog ug gitaod kini sa grills sa bintana.


Gidala dayon sa pamilya ang biktima sa Kibawe Provincial Hospital, diin gideklarang dead on arrival sa attending physician.


Ang hinungdan sa kamatayon gitino nga asphyxia, secondary to hanging. (Omar Rashid Z. Abdullah)

Wanted person patay sa engkuwentro sa Don Carlos

Posted on by Omar Rashid Z. Abdullah

Isa ka wanted person ang napatay human lakip sa nakigpinusilay batok sa law enforcers didto sa Purok 7B, Barangay Embayao, Don Carlos, Bukidnon

Sumala sa kasayoran gikan sa Bukidnon Police Provincial Office, nahitabo ang pinusilay buntag sa Agosto 26, 2024.

Ang kapolisan nag-serve sa warrant of arrest sa dapit batok sa siyam ka mga tawo nga wanted sa pagpatay.

Apan gipamusil sila sa wala mailhing mga armado nga miresulta sa 30-minutos nga pinusilay.

Patay sa hitabo ang isa sa siyam ka mga wanted samtang nasikop sab ang laing isa pa.

Narekober gikan sa engkwentro ang isa ka M1 Garand rifle, isa ka improvised sniper rifle, isa ka 12-gauge shotgun, ug lain-laing mga bala. (Omar Rashid Z. Abdullah)

Lalaking naghasi gitigbas sa uyoan

Posted on by Omar Rashid Z. Abdullah

Isa ka 45-anyos nga lalaki kinsa naghasi ang gikatahong gidunggab patay sa iyang 79-anyos nga uyoan sa Flores Village, Purok 2, Brgy. Linabo, Malaybalay City gabii sa Agosto 16, 2024

Ang biktima kinsa ubos sa impluwensya sa ilimnong makahubog, naglasong samtang nagbitbit og sundang ug giguba ang koral sa suspek, sumala sa report ni Police Lt. Col. Virgilio Cruz, OIC sa Malaybalay City Police Station.

Gisuwayan pa unta sa pagpakalma sa suspek ang iyang pag-umangkon apan niresulta kini sa init nga panaglalis.

Dugang pa, ang suspek nibalik sa iyang balay ug mikuha og kutsilyo ug gidunggab ang biktima makaduha ka higayon nga naigo sa walang bahin sa liog ug walang gusok nga nakaingon sa iyang hinanaling kamatayon.

Ang nirespondeng Barangay Public Safety Officer (BPSO) sa Linabo nakasaksi sa hitabo ug nasikop ang suspek.

Gibira sa suspek ang kutsilyo sa liog sa biktima ug boluntaryong gi-turn over kini ngadto sa BPSO. (Omar Rashid Z. Abdullah)

Lalaki nakuryetihan-patay sa Valencia

Posted on by Omar Rashid Z. Abdullah

Isa ka 50-anyos nga lalaki ang nakuryentihan-patay sa Purok 1, Patag, Brgy. Bagontaas, Valencia City, Bukidnon.

Nahitabo ang trahedya udto sa Agusto 19, 2024, sumala sa report sa report ni Police Lt. Col. Mitchel Clemencio, OIC sa Valencia City Police Station.

Ang biktima gidala sa Adventist Medical Center, Valencia City sa rescue team apan gideklarar sa nag-atiman nga doktor nga patay na sa wala pa nahiabot.

Nasayran sa imbestigasyon nga ang biktima nikatkat ug nagputol sa sanga sa punoan sa cotton fruit kon santol.

Ang sanga nakasangit sa three phase primary line sa FIBECO hinungdan nga nakuryentihan siya ug nahulog sa yuta. (Omar Rashid Z. Abdullah)

Template.

SOPA, Foundation Day 2024 gipangandaman na

Posted on by Omar Rashid Z. Abdullah

Gipangandaman na sa Provincial Government sa Bukidnon ang umaabot nga State of Provincial Address ni Provincial Governor Rogelio Neil P. Roque

Sumala sakasayoran sa PGB, lakip sab nga gipangandaman ang ika-110th Founding anniversary sa probinsya.

Ang panagtigum sa Provincial Events Committee natigayon kaniadtong Hulyo 15, 2024 sa PHRMO Conference Room sa Provincial and National Building, Capitol Compound, Malaybalay City, Bukidnon.

Nahisgutan ang mga kinahanglanon alang sa traffic scheme, kahusay ug kalinaw, ug mga imbitado sa SOPA.

Samtang ang mga kalihokan sa foundation day naglakip sa misa, parada, tree planting, air sports show, concert, hot air balloons ug uban pa. (Omar Rashid Z. Abdullah)