Isa ka 49-anyos nga babaye ang gindunggab patay sa iyang 39-anyos nga lalaking live-in partner sa Brgy. San Andres, Kadingilan, Bukidnon, buntag sa Agosto 25, 2025

Ang biktima gidala sa Bukidnon Provincial Hospital (BPH), Maramag, Bukidnon, alang sa medikal nga atensyon.

Ang mga personnel nga nitubag sa insidente dali nga nidiretso sa BPH aron susihon ang kahimtang sa biktima ug nasayran nga ang biktima nakasinati og stab wounds sa lain-laing bahin sa iyang lawas ug gi-deklarar nga patay na sa pag-abot sa ospital, sumala sa attending physician.

Sumala sa report ni Police Captain Larry T. Malhin, OIC sa Kadingilan MPS, nga nakita sa imbestigasyon nga ang biktima natulog sa iyang higdaanan sa dihang ang iyang live-in partner nipukaw kaniya ug gidunggab siya sa makadaghan.

Sumala sa report, nasuko ang suspek pagkahibalo nga ang iyang live-in partner giingon nga adunay illicit nga relasyon sa ilang silingan, nga mao ang hinungdan nganong gidunggab kini.

Human sa insidente, ang suspek dali nga nilayas apan wala madugay nitahan kini sa Barangay Tanod sa Barangay San Andres.

Karon, ang suspek anaa sa kustodiya sa Kadingilan MPS alang sa husto nga pagproseso. (Diego M. Hidalgo)