BOSS Ironman Motorcycle Challenge ug susamang kalihokan gidili sa Malaybalay

Sumala sa City Government of Malaybalay, nahimo ang pagdili human gipirmahan ni Mayor Jay Warren R. Pabillaran kaniadtong Pebrero 19, 2026, ang ordinansa nga giaprobahan sa Sangguniang Panlungsod (SP).

Sa 29th Regular Session sa 10th SP niadtong Pebrero 3, 2026, gipasiugdahan ni Konsehal Rendon P. Sangalang ang Ordinance No. 1081-2026 nga nagdili sa maong kalihokan ug uban pang kaparehong motorcycle events sa mga pampublikong dalan sa siyudad.

Gipatin-aw nga ang maong lakang gitumong sa pag-regulate sa susamang kalihokan ug pagsiguro sa kaluwasan sa publiko batok sa posibleng aksidente nga dala niini.

Base sa datos sa Philippine Statistics Authority (PSA), adunay mga insidente sa miaging katuigan diin mga inosenteng sibilyan ang nasamdan ug nakabsan sa kinabuhi tungod sa nasangpit nga kalihokan.

Dugang pa, nasuta nga ang maong kalihokan adunay negatibong epekto sa katilingban, ilabi na kay adunay mga partisipante nga naglapas sa mga balaod sa trapiko. (melbmadera)