Gihatdan sa Kagamhanang Probinsyal sa Bukidnon og 500 ka sako (25kilos per sack) nga bugas humay og 500 ka kahon sa nagka lain-laing delatang pagkaon (corned beef, sardines, beef loaf og pork & beans) alang sa mga Internally Displaced Persons (IDPs) sa Brgy. Cabadiangan, Kadingilan, Bukidnon

Basi sa LDRRMO situational report, as of April 11, 2023, 7:00a.m., niabot sa 940 ka mga indibidwal o 481 ka mga household ang opisyal nga natala diin kasamtangan nagpadayon ang profiling sa mga personahe sa MSWDO Kadingilan alang sa mga kasikbit nga mga lugar tungod sa nahitabong kagubot niadtong Abril 10, 2023. .

Anaa sa unom (6) ka mga sitios ang apektado nga mao ang so. Bacbacon, Kawilihan, Maisa, Talaguba, Pinangarutan, og Bahucanon.

Ang paghatud sa ayudang pagkaon gipangunahan sa opisina sa Provincial Social Welfare and Development Office og Provincial Disaster Risk Reduction and Management Division basi sa kamanduan ni Provincial Governor Rogelio Neil P. Roque, chairman sa PDRRMC Bukidnon. (LGU Bukidnon)