Tuesday, December 05, 2023

Panid Bisaya

Malaybalay Horsemen Association kampyon sa Kaamulan National Horse Show and Competition

0

Central Mindanao Newswatch - local newspaper

Share this post?

Migulang kampyon sa Kaamulan National Horse Show and Competition ang Malaybalay Horsemen Association nga gibuksan niadtong Abril 1, 2023 ug natapos Abril 2, 2023 sa Provincial Grandstand, Malaybalay City, Bukidnon

Mitala sa kinatibuk-ang 93 points ang Malaybalay Horsemen Association gikan sa nag-unang kompetisyon sa obstacle, barrel, ug oval races nga gi-plastar usab sa mosunod nga divisions: expert, intermediate, novice, ladies’ beginners, ladies’ expert, youth, executive, royal ug auxiliary. Samtang ang oval race adunay tulo ka kategoriya: A, B, ug C.

Mao kini ang resulta sa nagkadaiyang kategoriya: sa auxiliary barrel race: rank 1 si Bador Ello sa CDO Horsemen, 2nd si Celso Dial sa ASHA, ug 3rd si Adriane Sanchez sa SCM; expert barrel race: 1st si Banie Sulogan sa VHA, 2nd si Don Paano sa MHC, 3rd si Loui Miňoza; executive barrel race: 1st si Benjohn Mahistrado sa MGHA, 2nd si Jun Miňoza sa VHA, 3rd si Bobot Singayao sa MHC; sa royal barrel race: 1st si Dioscoro Ragandang sa MFHA, 2nd si Armand Gonzaga sa SCM, 3rd si George Misa sa DHC; intermediate barrel race: 1st si Rogie Cabason sa BHA, Mark Lagsic sa SCM, 3rd si B9 Smith sa MHC; ladies expert barrel race: 1st si Shel Dawn Paano, 2nd si Nikki Alonzo sa MHC, ug Mekhaila Singayao; novice barrel race: 1st si Enrico Gue, 2nd si Justin Jurolan ug 3rd si Marmar Brizo tanan sakop sa MHC; sa youth barrel race: 1st si King Elorde sa ASHA, 2nd si Nadine Elusfa sa SCM, 3rd si Lizzie Pelawz sa CDO Horsemen; ladies beginners: 1st si Clara Roxas sa MHC, 2nd si Jedyl Jamaca, 3 si Kaina Ramonal sa CDO Horsemen; sa auxiliary obstacle race: 1st si Clifford Doble sa HAIV, 2nd si Jomar Baconguis sa MFHA, 3rd si Adriane Sanchez sa SCM; intermediate obstacle: 1st si Clive Tanguilan sa MFHA, 2nd si Biboy Adalim, 3rd si Rogie Cabason sa VHA; executive sa obstacle: 1st si Benjohn Mahistrado sa MFHA, 2nd si Neal de la Cerna, 3rd si Louis Miňoza, Jr sa VHA; royal obstacle: 1st si Armand Gonzaga sa SCM, 2nd si Ferdinand Banosia sa ASHA, 3rd si George Misa sa DHA; novice obstacle: 1st si Kontakenti Ramonal sa CDO, 2nd si Marmar Brizo sa MHC, 3rd si Marlowe Sarda sa SCM; ladies expert sa obstacle race: 1st si Keziah Ramonal sa CDO, 2nd si Megan Fabello sa CDO, 3rd si Faye Cudal sa MHC; ladies beginners: 1st si Jedyl Jamaca, Kaina Ramonal, 3rd si Shane Sabanpan tanan sa CDO; youth obstacle race: 1st si Angela Estrada sa MHC, 2nd si Michael Salintao sa ASHA, 3rd si Israel Baz sa CDO;

Sa pagbukas sa maong aktibidad sa Kaamulan, mitambong si Provincial Governor Rogelio Neil P. Roque uban sa pakigdait niini sa mga bisita ug sumasalmot, kauban sila Representatives John Keith Flores sa 2nd District ug Laarni Roque sa 4th District.

Misaksi usab kulbahinam nga pasundayag sa abilidad sa mga kabayo ug sa mga riders niini si Regional Director Marie Elaine C. Unchuan sa Department of Tourism – X, kinsa mipadangat sa iyang panghinaut nga pinaagi sa horse show competition, makadani kini ug mas daghang turista dinhi sa Bukidnon ug sa rehiyon.

Kini gipasiugdahan sa Provincial Government of Bukidnon nga gipasayon sa Malaybalay Horsemen, kung aha misalmot dinhi ang lain pang siyam (9) ka mga horsemen associations gikan sa Mindanao ug Visayas regions, sama sa Agusan del Sur Horsemen Association, Cagayan de Oro Horsemen Association, Davao Horse Club, Manolo Fortich Horsemen Association, Misamis Oriental Horsemen Association, Visayas Horsemen Association, South Central Mindanao Horsemen, SOCSARGEN Horsemen, ug Horsemen Association of Impasugong and Valencia. (LGU Bukidnon)

 

Related Post

Tingkagol sa selda sa kapolisan sa dakbayan sa Malaybalay ang tulo ka mga suspek sa pagpangawat sa Bides residence sa San Isidro St. Ext., Purok 2, Brgy. 9, Malaybalay City, Bukidnon Sila giingon nga nasapon sa biktima uban sa mga silingan pasado alas 8:00 sa gabii niadtong Nobyembre 16. Sumala sa report sa kapolisan, ang...
Naugdaw ang lima ka mga balay sa nahitabong sunog sa Purok 3A, Brgy. San Isidro, Valencia City, Bukidnon gabii sa Nobyembre 17 sa sunog ang Valencia City Bureau Fire Protection ug napalong nila ang kalayo. Giingon nga ang kalayo nagsugod sa panimalay sa isa ka Romeo Tongal. Walay natalang namatay o nasamdan sa hitabo apan...
Gilungkab sa kanhi empleyado ang isa ka Hardware and Construction supply sa Purok 2, Dologon, Maramag, Bukidnon sayong buntag sa Nobyembre 20 Sumala sa report sa kapolisan, pasado alas 6:12 ang takna sa buntag sa dihang nadiskubri sa tag- iiyaang hitabo. Nasuta sa report ni Police Major Erwin R. Naelga, OIC sa Maramag Municipal Police...