Gidakop sa mga operatiba sa kapolisan ug militar ang isa ka babaye nga nag-atubang sa kasong
frustrated murder ug murder sa military intelligence compound sa Malaybalay City, Bukidnon
hapon sa July 22

Ang nadakpan mao si Gemma Pensahan Tilucan, nailhan usab sa mga angga nga Gina, Tata,
Alex, Reps ug Jea, 32-anyos, minyo, ug residente sa Purok 16, Saloringan, Cabanglasan,
Bukidnon.
Siya giingon nga isa ka “kanhi manggugubat sa NPA” nga nadestino sa logistics division sa
Headquarters LOADER ubos sa North Central Mindanao Regional Committee (NCMRC).
Nasikop ang suspetsado pinaagi sa warrant of arrest nga gi-isyu niadtong Agosto 29, 2023.
Alang sa kasong frustrated murder, gitakda ang piyansa nga P200,000, samtang walay piyansa
ang kasong murder.
Sa pagkakaron, nagpabilin sa kustodiya sa 43 rd Military Intelligence Company ang nadakpan
samtang gihulat ang sunod nga legal nga proseso human naipasaka ang motion for custody sa
piskalya sa Malaybalay City. (melbmadera)