Mikabat sa 33,907 ka wildlings o assorted species sa kahoy ug kape ang nahatag nga libre sa dakbayan sa Malaybalay sa mga bulan sa Enero ug Pebrero ning tuig

Gisulti kini ni Ms. Jessie G. Suson, Community Environment and Natural Resources Officer (CENRO), ug usa sa resource persons sa Kapihan Quarterly Media Forum nga gi-organisar sa City Government of Malaybalay kaniadtong Marso 31, 2026, sa People’s Hall, City Hall, Brgy. Casisang.

Sumala pa niya, sa bulan sa Enero, niabot sa 8,593 ka seedlings ang na-distribute gikan sa city plant nursery, samtang 25,314 ang napanghatag sa Pebrero.

Gawas niini, nahatag sab ang 5,525 ka ornamental plants, diin 360 niini ang gipang-apod sa Enero ug 5,165 sa Pebrero.

Base sa datos, nanguna ang private landowners sa dakbayan sa pagdawat sa libreng seedlings, gisundan sa national ug local government agencies, barangay LGUs, ug educational institutions. (melbmadera)

Ang mga senior citizen sa Valencia City, Bukidnon nga nag-edad 60-anyos pataas nakadawat na sa ilang unang quarterly allowance karong tuiga, nga nagkantidad og P600.00 matag isa. (PIAD Valencia)