Giila sa probinsya sa Bukidnon, pinaagi sa Provincial Health Office, ang nahimong kontribusyon sa mga Barangay Local Government Units (BLGUs), Local Government Units (LGUs), Bukidnon Provincial Hospitals (BPHs), ug uban pang partner stakeholders nga nahimong kaabag sa malampusong implementasyon sa Bukidnon Voluntary Blood Services Program

Sumala sa Facebook post sa LGU Bukidnon, kini gihimo pinaagi sa gipahigayon nga Annual Provincial Sandugo Awarding Ceremony sa Pearlmont Hotel, Cagayan de Oro City, kaniadtong Nobyembre 10, 2025.

Nasayran nga sa niaging tuig, nikabat sa 21,328 units sa dugo ang kinatibuk-ang nakolekta sa probinsya, ug nagpabilin kini nga adunay pinakataas nga total blood collection sa tibuok rehiyon sa maong tuig.

Gani, nakahimo pa kini sa pag-donate sa blood surplus niini ngadto sa Northern Mindano Medical Center (NMMC) ug Amai Pakpak nga mga hospitals.

Mitambong niini sila si Dr. Jose Rhoel C. de Leon, PGB Health Overseer, kinsa nag-representa kang Provincial Governor Rogelio Neil P. Roque, Dr. Vincent C. Raguro, DMO V sa PDOHO-Bukidnon, ug mga personahe gikan sa DOH-R10. (melbmadera)