Gitigbas ang isa ka lalaki human mibalibad nga ilisan ang abono nga iyang gihulaman didto sa
Barangay Santa Felomina, Quezon, Bukidnon.

Sa inisyal nga imbestigasyon sa kapolisan, nasayran nga ang suspek, 25-anyos nga lalaki nakig-
inom sa mga pag-umangkon sa biktima nga 44-anyos nga lalaki.
Sa dihang milabay ang biktima sa waiting shed diin dunay inom, giduolan siya sa suspek ug
gipaninglan sa sako sa abono nga iyang gihulam kay kinahanglanon na niya kini.
Mibalibad ang biktima kay kinahanglan pa niya nga magpalit og isa.
Nasuko ang suspek dayon hulbot sa iyang sundang dayon tigbas sa biktima.

Naka-angkon og samad tinigbasan sa kamot ang biktima ug dali siya nga gidala sa Quezon
Health Infirmary Hospital sa pagtambal sa samad nga naangkon.
Misibat ang suspek padulong sa kabukirang bahin sa barangay. (Sean G. Sulugan)