Friday, August 29, 2025

Panid Bisaya

Malaybalay mipalig-on sa mga plano alang sa disaster preparedness, resilience plans

0

Central Mindanao Newswatch - local newspaper

Share this post?

Ang city government sa Malaybalay, sa pagpanguna ni Mayor Jay Warren R. Pabillaran, nagpalig-on pa sa mga estratehiya niini alang sa disaster preparedness ug long-term recovery strategies

Nayagyag kini nga kasayoran atol sa Kapihan Media Forum nga nunot sa kasaulogan sa National Disaster Resilience Month 2025, nga natigayon sa Buzzstop Eatery and Catering Services atubangan sa City Hall sa Brgy. Casisang kaniadtong Hulyo 31, 2025.

 

Si Mr. Allan Comiso, city disaster risk reduction and management (CDRRM) officer, niingon nga ang lokal nga kagamhanan nagpalambo sa mga paningkamot nga nakabase sa komunidad pinaagi sa Seedling Council.

 

Ingon niya nga sila nag-update sa Eldering ug L3 Plans — mga yawe nga nagagiya sa mga lakang sa dakbayan alang sa pagtubag ug pagbangon gikan sa katalagman.

 

Dugang niya nga ang dakbayan padayon sa pag-invest alang sa mga ekipo sa disaster response, mga training sa pagpalig-on sa kapasidad, ug mga simulation drill.

 

Gisulti sab niya nga ang nailang pamilya nga nanimuyo sa flood-prone areas sa dakbayan ang nalakip sa relocation program nga nahimutang sa Brgy. San Jose.

 

Si Mayor Pabillaran nipaklaro nga adunay programa ang dakbayan nga nag-awhag sa mga barangay government sa pagpangita og lote nga paliton sa dakbayan alang sa relokasyon sa ilang mga residente nga prone sa baha ug landslides.

 

Samtang si City Engineer Leo Rustan Dela Cerra nipatin-aw nga ang kusog nga ulan ang hinungdan sa baha nga niigo sa Basakan District niadtong Hulyo 26, 2025, ug dili plantation, sanglit walay multi-million companies nga nag-operate sa dapit. (melbmadera)

Related Post

Napalgan ang patay’ng lawas sa 58-anyos nga lalaking mag-uuma sa kilid sa irrigation canal sa Purok 5, Brgy. San Martin, Malaybalay City, Bukidnon, hapon sa Agosto 13, 2025 Sumala sa report ni Police Lt. Col. Joepet B. Paglinawan, OIC sa Malaybalay City Police Station, nga ang patay’ng lawas anaa na sa advanced state of decomposition,...
Kaniadtong Agosto 15, 2025, natigayon ang pagtugyan ug acceptance ceremony sa natapos na nga proyekto nga municipal plaza with stage kon Phase V sa Don Carlos, Bukidnon Sumala sa Facebook page sa LGU Bukidnon, si Gobernador Rogelio Neil P. Roque ang nanguna sa kalihokan.   Nabutyag nga ang pondo sa proyekto nikabat og duolan sa...
Ang Department of Agriculture – Regional Field Office 10 nipakita og walo ka nauswag nga barayti sa Adlay atol sa Adlay Farmers’ Field Day sa Northern Mindanao Agricultural Crops and Livestock Research Complex (NMACLRC) sa Brgy. Dalwangan niadtong Agosto 14, 2025 Sumala sa Facebook page sa ahensya, natigayon kini pinaagi sa Research Division ug sa...