Motorcycle barrier dili na kinahanglan sa Rehiyon 10

Central Mindanao Newswatch - local newspaper

Central Mindanao Newswatch – local newspaper

CAGAYAN DE ORO CITY – Gipahibalo ni Police Brig. Gen. Rolando Anduyan, regional director sa Police Regional Office 10 nga dili na kinahanglan ang motorcycle barriers base sa anunsyo sa National Task Force COVID Shield sa miaging Agosto 18, 2020.

Subay sa report sa PRO-10 viber group pinaagi ni Police Lt. Col. Mardie Hortillosa, PRO-10 spokesperson, ang mga musunod mao ang mga guidelines ubos sa GCQ sa pagtugot nga dili na kinahanglan ang motorcycle barrier.

Una, mga riders nga nagpuyo sa isa ka balay; ikaduha, sa mga riders nga wala nagpuyo sa isa ka balay kinahanglan ang Angkas-designated barrier; ikatulo, ang backrider kinahanglan isa ka APOR; ikaupat, ang driver puwede o bisan dili APOR; ikalima, ang motor kinahanglan privately owned ug dili for hire ug wala gi-hire sa trip; ikaunom, kinahanglan ang mga sakay sa motor naka-facemask ug naka-face helmets.

Samtang ang Northern Mindanao nga ubos sa Modified General Community Quarantine (MGCQ), ang Local Chief Executives ang dunay discretion nga mo-adapt ug mupatuman sa GCQ guidelines base sa ilang tagsa-tagsa nga sitwasyon.

Nag-advice ang PRO-10 sa general public nga magdala ug ipresenta ang proof of documents nga ang driver ug backrider nagpuyo sa isa ka balay. Ang PRO-10 hugot nga nagmonitor ug nag-coordinate sa LGU sa implementasyon sa motorcycle back-riding guidelines. (Sean G. Sulugan)

cmn

Read Previous

Malaybalay City based athletes, head coaches to get recognition, cash incentives

Read Next

Kanhi miyembro sa PNP nanigbas sa Manolo Fortich