Tuesday, February 25, 2025
Panid Bisaya
National plastic ID cards nadawat sa senior citizens sa Malaybalay
0
Share this post?
Mikabat na sa 8,377 ka national plastic ID sa senior citizens ang pasiunang nabuhat ug nahatag alang sa dakbayan sa Malaybalay
Sumala sa kasayoran, ang bag-ong plastic ID cards nahatag na sa mga senior citizen sa 29 ka mga barangay sa dakbayan.
Magpadayon pa ang pagpanghatag sa mga ID card sa umaabot pa nga skedyul alang sa 17 ka nabilin nga mga barangay sa Malaybalay.
Ang Office of the Senior Citizens Affairs (OSCA) inabagan sa City Administrator’s Office, nagtakda sa mga schedule sa kabarangayan alang sa renewal ug pag-isyu sa bag-ong plastic ID cards.
Nakadawat na sa ID cards ang mga senior citizen sa 11 Poblacion barangays.
Ang sa Brgy. 1 (517), Brgy. 2 (118), Brgy. 3 (68), Brgy. 4 (102), Brgy. 5 (51), Brgy. 6 (80), Brgy. 7 (159), Brgy. 8 (96), Brgy. 9 (473), Brgy. 10 (222), ug Brgy. 11 (201).
Sa south ug north barangays; ang San Jose (391), Laguitas (264), Patpat (237), Sumpong (588), Casisang (1,498), Capitan Anghel (54), Can-ayan (316), Kibalabag (71), Manalog (44), Kalasungay (478), ug Bangcud (370).
Lakip sa nahatagan sa serbisyo ang barangay Mapayag (80), Magsaysay (156), Dalwangan (407), Imbayao (78), Aglayan (441), Cabangahan (220), ug Linabo (586).
Si OSCA Head Rene Y. Cipriano, mipasabot nga kining mga ID card balido sa tibuok kinabuhi.
Ang senior citizen ID card holder adunay 20 porsyento diskwento sa mga nag-unang kinahanglanon susama sa pletehan sa transportasyon, mga tambal nga ilang palitunon ug singko porsyento para sa groceries.
Nipaabot usab ang mga senior citizen sa ilang pagpasalamat kay City Mayor Jay Warren R. Pabillaran sa paghatag kanila sa maong oportunidad. (melbmadera)
Latest Article
Related Post
Kaniadtong Pebrero 7, 2025, gitugyan na ang usa ka Level II Gravity Fed water system project sa Purok 3, Brgy. Kisolon, Sumilao, Bukidnon Ang seremonya natigayon sa Barangay Covered Court sa Barangay Kisolon.Ang proyekto ubos sa Department of Social Welfare and Development (DSWD) Kapit-Bisig Laban sa Kahirapan Comprehensive and Integrated Delivery of Social Services (KALAHI-CIDSS)...
Isa ka anti-terrorism forum nga gipangunahan sa 48th Infantry Battalion sa 7th Infantry Division ang gipahigayon sa Maramag Municipal Hall kaniadtong Pebrero 10, 2025.Katambayayong sa kalihokan ang lokal nga kagamhanan sa Maramag Sumala sa kasayuran sa LGU Maramag, ang forum nagpundok sa sektor sa negosyo aron matubag ang mga nagpilit nga isyu bahin sa kalinaw,...
Pormal nga gipresenta sa publiko ang pinakaunang K9 Detection Unit alang sa dugang seguridad sa dakbayan sa Malaybalay Sumala sa kasayoran, natigayon kini atol sa 2nd Monday Convocation Program niadtong Pebrero 10, 2025. Si Konsehal Royland M. Orquia, committee chair sa Peace and Order sa Sangguniang Panlungsod, nipasabot sa kamahinungdanon sa paggamit sa trained K9...