Buntag sa Agosto 26, 2025, gipahigayon ang outreach program ngadto sa Mindanao Tribal School, Incorporated, sa Barangay Panadtalan, Maramag, Bukidnon

Ang kapin 100 ka estudyanteng benepisaryo nahatagan og libreng school supplies, tsinelas, food packs, vegetable seeds, ug paniudto.

Nadalit sab ang libreng haircut ngadto sa pipila ka mga estudyante sa tunghaan.

Gipahigayon usab ang tree-planting activity sa mga myembro sa Bukidnon media sulod sa compound sa tunghaan.

Ang kalihokan alayon sa nagpadayon nga mga kalihokan sa ikatulong kasaulogan sa Bukidnon Press Freedom Week.

Nasayran nga ang kagamhanang lokal sa probinsya sa Bukidnon nag-institutionalize sa selebrasyon ug naggahin og P1 million nga pondo alang niini nga katuyoan matag tuig.

Ang Provincial Governor’s Office, pinaagi sa PAIA ubos sa pagdumala sa OIC nga si Fredelyn Ragandang, ang nanguna sa maong kalihokan. (melbmadera)