Thursday, November 19, 2026

Panid Bisaya

P103K shabu nasakmit sa Malaybalay

0

Central Mindanao Newswatch - local newspaper

Share this post?

Nasakmit sa kapolisan ang gibanabanang P103,006 nga kantidad sa gituohang shabu ug nadakop
ang giingong street-level drug dealer atol sa buy-bust operation sa Malaybalay City sayong
kabuntagon niadtong Septiyembre 6, 2026.

Gipahigayon ang operasyon sa mga operatiba sa Drug Enforcement Unit sa Malaybalay City
Police Station, kauban ang 1st Provincial Mobile Force Company ug Provincial Intelligence
Unit, sa Purok 6, Barangay Casisang.
Nadakpan ang 48-anyos nga suspek nga giila lamang sa alyas nga “Magins.”
Nasakmit gikan kaniya ang walo ka heat-sealed transparent plastic sachet nga adunay gituohang
shabu nga may gibug-aton nga 15.148 gramos ug gibanabanang street value nga P103,006.
Gikumpiska usab sa kapolisan ang P1,000 nga kuwarta, isa ka itom nga pitaka ug isa ka gold-
colored nga Isuzu Crosswind SUV.
Gidala ang mga nakumpiskang ebidensiya ngadto sa Bukidnon Provincial Forensic Unit alang sa
qualitative ug quantitative analysis aron makumpirma ang klase ug kantidad sa nakuhang
substansiya.
Sa paghimo ning balita, nagpabilin sa kustodiya sa Malaybalay City Police Station ang suspek
alang sa dokumentasyon ug hustong disposisyon.
Atubangon niya ang kasong paglapas sa Sections 5 ug 11, Article II sa Republic Act 9165 o
Comprehensive Dangerous Drugs Act of 2002 as amended, may kalabotan sa pagbaligya ug
pagpanag-iya sa ilegal nga droga. (melbmadera)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...