Panid Bisaya
P15-M kantidad sa agricultural aid nahatag sa mga grupo sa mag-uuma sa Lantapan
0
Share this post?
Ang Department of Agriculture – Northern Mindanao nagtugyan og hapit P15 milyon nga kantidad sa mga interbensyon sa agrikultura ngadto sa lain-laing mga kooperatiba sa mga mag-uuma ug mga asosasyon sa munisipyo sa Lantapan, Bukidnon
Sumala sa Facebook post sa DA Regional Office 10, ang kalihokan natigayon niadtong Hulyo 18, 2025, nga gihimo sa TESDA Building, Motorpool, Babahagon, Lantapan.
Ang suporta, nga gikan sa mga programa sa Rice, Corn, ug High Value Crops Development sa departamento, naglakip sa mga makina sa uma ug inputs, nga gidisenyo aron mapaayo ang produksyon, marketing, ug pagproseso nga kahusayan sa mga mag-uuma sa lokalidad.
Ang lista sa mga interbensyon naglakip sa: isa ka hauling truck, isa ka cassava grater, 110 ka bags sa hybrid rice seeds, 1,181 bags sa corn seeds ug complete fertilizers, isa ka tractor, ug upat ka chainsaws.
(melbmadera)
Latest Article
Related Post
Pasado alas 10:00 sa buntag sa Marso 19, 2026, manumpa sa katungdanan ang kapin sa 5,000 ka bag-ong na-promote nga mga magtutudlo sa Rehiyon 10 Gibutyag kini ni DepEd Bukidnon sports official Ariel Montecalvo atol sa press briefing kaniadtong Marso 16, 2026, sa Centennial Stage sa Malaybalay City, Bukidnon. Ang mass oath-taking ceremony ipahigayon sa...
Mikabat sa 118 sa 130 ka kwalipikadong benepisyaryo nga mga octogenarian ug nonagenarian sa Malaybalay ang nakadawat na sa ilang cash gift nga nagkantidad og P10,000 matag usa Sa maong ihap, kinatibuk-ang P1,180,000 ang natunol ngadto sa mga benepisyaryo nga gikan sa 46 ka barangay sa dakbayan. Sumala sa kasayoran, gipahigayon ang payout kaniadtong...
Ang Manobo Indigenous Cultural Community sa Barangay Mendis, Pangantucan, Bukidnon, nagtapok na usab aron sa pag-obserbar sa ilang tinuig nga ritwal nga Salilay ta Karatungan kaniadtong Marso 14, 2026, sa Sitio Mandum Sumala sa kasayoran sa munisipyo sa Pangantucan, gihimo kini isip pagpasidungog sa balaang Bukid Kalatungan sa Bukidnon. Pinangunahan ni Datu “Sulutan Karatung Intuyadag”...