Panid Bisaya
Patay’ng lawas sa lalaki napalgan nga naglutaw sa Pulangi River
0
Share this post?
Napalgan sa usa ka mangingisda ang patay’ng lawas sa wala mailang lalaki nga naglutaw sa Pulangi River, sa Purok 4, Sityo Pangyan, Barangay Balocbocan, Kitaotao, Bukidnon, hapon niadtong Enero 19, 2026
Sumala sa report ni Police Major Jose Regner M. Sevillano, hepe sa Kitaotao Municipal Police Station (MPS), ang lawas sa namatay anaa na sa sayong bahin sa pagkadunot sa dihang kini napalgan.
Ang namatay adunay mga tattoo nga mahimong makatabang sa pag-ila sa iyang pagkatawo, lakip ang “420” nga adunay dahon sa marijuana sa tuo nga dughan, angkla nga tattoo sa wala nga dughan, ug ang tattoong “J Asiñero” sa wala nga abaga.
Gibutyag usab sa ocular examination nga adunay puncture wound sa ulo ang biktima. Padayon ang imbestigasyon sa Kitaotao MPS aron mailhan ang namatay ug matino ang mga sirkumstansya nga naglibot sa iyang kamatayon. (melbmadera)
Latest Article
Related Post
Pasado alas 10:00 sa buntag sa Marso 19, 2026, manumpa sa katungdanan ang kapin sa 5,000 ka bag-ong na-promote nga mga magtutudlo sa Rehiyon 10 Gibutyag kini ni DepEd Bukidnon sports official Ariel Montecalvo atol sa press briefing kaniadtong Marso 16, 2026, sa Centennial Stage sa Malaybalay City, Bukidnon. Ang mass oath-taking ceremony ipahigayon sa...
Mikabat sa 118 sa 130 ka kwalipikadong benepisyaryo nga mga octogenarian ug nonagenarian sa Malaybalay ang nakadawat na sa ilang cash gift nga nagkantidad og P10,000 matag usa Sa maong ihap, kinatibuk-ang P1,180,000 ang natunol ngadto sa mga benepisyaryo nga gikan sa 46 ka barangay sa dakbayan. Sumala sa kasayoran, gipahigayon ang payout kaniadtong...
Ang Manobo Indigenous Cultural Community sa Barangay Mendis, Pangantucan, Bukidnon, nagtapok na usab aron sa pag-obserbar sa ilang tinuig nga ritwal nga Salilay ta Karatungan kaniadtong Marso 14, 2026, sa Sitio Mandum Sumala sa kasayoran sa munisipyo sa Pangantucan, gihimo kini isip pagpasidungog sa balaang Bukid Kalatungan sa Bukidnon. Pinangunahan ni Datu “Sulutan Karatung Intuyadag”...