Ang Satellite Registration sa selected barangays sa Malaybalay City alang sa umaabot nga Barangay ug Sangguniang Kabataan Elections (BSKE) gipahigayon sugod Agosto 1 hangtod 9, 2025

Sumala sa Facebook post sa Comelec Malaybalay niadtong Agosto 1, ang satellite registration gitakda sa Brgy. Maligaya; Agosto 2 sa Brgy. Capitan Angel sa buntag ug sa Brgy. Dalwangan sa pagkahapon; Agosto 3 sa Brgy. Apo; Agosto 4 sa Brgy. Manalog; Agosto 5 sa Brgy. Sumpong; Agosto 6 sa Provincial Detention and Rehabilitation Center (PRDC); Agosto 7 sa Brgy. Bangcud sa buntag ug Brgy. Simaya sa pagkahapon; Agosto 8 sa Brgy. Can-ayan; ug sa Agosto 9, ang kataposang adlaw, didto sa Brgy. Kulaman alang sa mga barangay sa Upper Pulangi district.

Taliwala sa satellite registration, ang Comelec Malaybalay sa San Isidro Street nagpabilin nga abli sa office hours gikan sa Agosto 1 hangtod sa Agosto 10.

Gi-cater sa kalihokan ang new registration sa SK ug regular, reactivation sa mga wala nakaboto sa duha o daghan pa sa niaging mga piliay, change or correction of entry, ug updating sa voting records sa senior citizens, persons with disability, ug Indigenous Peoples (IP); apan taliwala niini, walay gidawat nga nag-transfer.

Sa SK applicants – gikinahanglan nga sila natawo on or before December 1, 2010. (melbmadera)