Gawas sa drug paraphernalia, nasakmit gikan sa 50-anyos nga babayeng drug suspect nga si Alyas Mommy ang gidudahang shabu ug marijuana sa raid sa iyang panimalay sa Purok 3, Brgy. Tawas, Kitaotao, Bukidnon, buntag sa Oktubre 15, 2025

Sumala sa report ni Police Captain Charlon H. Sevilla, OIC sa Kitaotao MPS, nibalor sa P340,000.00 ang nakuha nga shabu, samtang P6,000.00 ang sa marijuana.

Ang mga miyembro sa Kitaotao Municipal Police Station, sa koordinasyon sa Buk PPO-PIU, nagpatuman sa Search and Seizure Warrant No. RTC-OCC 71-25 alang sa kalapasan sa RA 9165 nga napagawas sa korte pinetsahan Oktubre 14, 2025.

Giandam na ang kaso batok sa nadakpan nga suspetsado alang sa paglapas sa Sections 11 & 12, Article II sa R.A. No. 9165.

Ang nadakpan ug ang nakumpiskang mga butang gidala sa Kitaotao MPS alang sa husto nga dokumentasyon ug disposisyon, samtang ang nakumpiskang droga gisumite sa Provincial Forensic Unit para sa qualitative ug quantitative nga eksaminasyon. (Diego M. Hidalgo)