Sunday, May 05, 2024

Tag: Provincial Hospital

Laborer gidunggab sa kainom, patay

Posted on by cmn

Isa ka laborer ang gidunggab sa iyang kainom sa Purok-8, Brgy. Calaocalao, Don Carlos, Bukidnon niadtong Agosto 17, 2023

Ang biktima giila nga si Andy Enora y Lindongan, 52, balo, ug residente sa maong dapit.

Samtang ang suspek giila sab nga si Joselito Retazo y Loria, hingkod, ulitawo, ug residente sab sa maong dapit.

Gitaho nga nag-inom ang biktima ug ang suspek sa dihang nagkalalis kini hinungdan nga gidunggab sa suspek ang biktima sa makadaghang higayon gamit ang hunting knife.

Ang biktima naka angkon sa 11 ka samad dingunggaban ug siya dali-daling gidala sa Bukidnon Provincial Hospital, sa Maramag, Bukidnon apan gideklara nga dead on arrival.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek uban sa hinagiban nga gigamit gidala na sa kustodiya sa kapolisan alang sa hustong disposasyon. (MG Mayumi B. Madera)

2 menor de edad, nalumos sa Maramag

Posted on by cmn

Duha ka menor de edad ang patay human malumos kini sa P-9A, North Poblacion, Maramag, Bukidnon

Gitaho ni Police Maj. Erwin R. Naelga, OIC sa Maramag Municipal Police Station nga ang insidente nahitabo sa alas 7:00 sa gabie niadtong Agosto 13, 2023.

Ang amahan sa mga biktima nga si Alberto Manalondog y Hilasyo, 52, laborer, minyo – matod niya, gisugtan niya ang iyang mga anak nga maligo sa gripo tapad sa ilang panimalay.

Apan, human sa pipila ka minuto, namatikdan sa amahan nga wala na ang iyang mga anak ug nakita niya kini sa duol sa lawom nga nakubkoban nga bahin sa dalan nga nahimutang mga 150 metros ang gilay-on sa ilang balay.

Si Alberto nagtuo nga ang iyang mga anak miambak ug milangoy sa giingon nga gikubkob nga lugar.

Ang mga biktima gidala sa Bukidnon Provincial Hospital – Maramag apan gideklara kini nga dead on arrival. (MG Mayumi B. Madera)

Tawo gidunggab sa igsuon sa Malitbog

Posted on by cmn

Isa ka tawo ang gidunggab sa iyang igsuon sa Sitio Cagascas, Barangay Kalingking, Malitbog, Bukidnon

Sa taho ni Police Lt. Danilo R. Sabordino Jr., OIC sa Malitbog Municipal Police Station nga ang insidente nahigayon niadtong Agosto 06, 2023 sa alas 9:25 sa buntag.

Ang suspek giila nga si Aljun Rabe Lugcon (magulang sa biktima), 25, ulitawo, laborer, ug residente sa maong dapit.

Samtang ang biktima giila nga si Mark Anthony Rabe Lugcon (manghud), 21, ulitawo, ug laborer.

Sumala sa report, ang hubog nga suspek nagkabikil sa iyang igsuon. Ang manghud nila nga si Ariel Lucgon nisulti nga ang duha aduna nay kabikil daan sa mga niaging adlaw.

Gidunggab sa magulang ang iyang manghud gamit ang isa ka guna nga hinungdan nga naka-angkon kini og samad dinunggaban sa baba.

Ang suspek dali-daling milayas human sa insidente.

Gidala ang biktima sa Bukidnon Provincial Hospital-Annex, Malitbog, Bukidnon aron sa pagpanambal.

Ang kapolisan nag andam na sa mga dokumento alang sa pagpasaka og kaso batok sa supek. (MG Mayumi B. Madera)

40 ka bata nakapahimulos sa libreng tuli sa Talakag

Posted on by Diego M. Hidalgo

Adunay 40 ka mga bata nga lalaki ang nakapahimulos sa libreng tuli nga gilusad sa Bukidnon Provincial Hospital (BPH)-Talakag niadtongc Hulyo 23, 2023 sa Talakag, Bukidnon

Gipahigayon ang libreng tuli subay sa pagsaulog sa National Infection Prevention and Control Week (IPC) 2023, sumala sa pahibalo sa Provincial Government of Bukidnon.

Ang maong kalihukan nagtangag sa tema nga β€œBeyond the Pandemic: HAI-lighting the importance of IPC”.

Gawas sa maong kalihukan, gihan-ay usab ang monthly meeting uban ang re-echo on IPC training and seminar, clean-up sa designated areas, lecture for sterility, ug sport activities. (Diego M. Hidalgo)

Isa ka wala mailhi nga lalaki, napalgang patay sa Maramag

Posted on by cmn

Isa ka wala mailhi nga lalaki ang napalgang patay sa mga kapolisan sa Purok-5, North Poblacion, Maramag, Bukidnon

Si Police Maj. Erwin R. Naelga, oic sa Maramag Municipal Police Station nitaho nga ang patayng lawas nakit-an niadtong Hunyo 29, 2023, sa alas 10:00 sa buntag.

Ang biktima, naka sul-ob og itom nga sweatshirt ug asul nga shorts.

Siya gidala sa Bukidnon Provincial Hospital, Maramag, Bukidnon.

Gitaho nga ang biktima naka-angkon og mga samad dinunggaban sa iyang lawas nga miresulta sa iyang dayong kamatayon.

Aduna usab nakita nga mga crutches sa tapad sa biktima nga nagpunting nga ang biktima isa ka Person With Disabilities (PWD).

Isa ka imbestigasyon ang padayong gipahigayon sa mga kapolisan sa Maramag MPS alang sa pag-ila sa biktima ug pagpunting sa motibo sa insidente. (MG Mayumi B. Madera)

Managsuon gipangdunggab sa Kibawe

Posted on by Diego M. Hidalgo

Duha ka managsuon gidunggab sa ilang balay sa Purok-1 Old Kibawe, Kibawe, Bukidnon niadtong Marso 26, 2023

Ang mga biktima giila nga sila Ali Rosell y Catalbas, 45, minyo, driver, ug residente sa Rosario, Agusan del Sur, ug si Isidro Rosell y Catalbas, 49, minyo, taxi driver, ug residente sa Tablon, Cagayan De Oro City.

Si Police Maj. Marvin T. Enciso, OIC sa Kibawe Municipal Police Station nisulti sa iyang report nga ang mga biktima gidunggab sa 12inches nga hunting knife sa suspek.

Ang suspek giila nga si Dominador Lozarita y Madcaw, 46, minyo, ug residente sa Libertad, Old Kibawe, Kibawe, Bukidnon.

Gitaho nga ang suspek gigukod sa mga barangay tanod tungod sa pagdala niini og hunting knife. Ubos sa impluwensiya sa ilimnong makahubog, ang suspek niabot sa pinuy-anan sa mga biktima nga adunay panagtapok sa pamilya ug dayong nanaksak.

Ang mga biktima dayon gidala sa Bukidnon Provincial Hospital-Kibawe ug karon anaa na sa maayong kahimtang. (Diego M. Hidalgo)

4 patay sa road mishap sa Quezon

Posted on by cmn

Upat ang patay ug isa ang naangol sa nahitabong aksidente sa Barangay Road of Purok 3, Barangay Linabo, Quezon, Bukidnon niadtong Marso 16, 2023 sa ala 1:30 sa hapon

Ang drayber giila nga si Ronald Rene Legado Pantua (DOA), hingkud, minyo, job order sa LGU Quezon ubos sa Engineering Department, and a resident of Barangay Paitan, Quezon, Bukidnon.

Samtang ang iyang mga kauban giila nga sila Ricardo Apao Saison (DOA), 56, minyo, JO sa Surveying Services, ug residente sa Purok 3, Mibantang, Quezon, Bukidnon; Alfredo Cabonillas Villamero (DOA), 42, minyo, JO Heavy Equipment Operator, ug residente sa Barangay 9, Poblacion, Quezon, Bukidnon; Ronald Catane Ratunil (naangol), 43, minyo, JO Heavy Equipment Operator, ug residente sa Purok Pag-asa, Salawagan, Quezon, Bukidnon; ug si Eduardo Tuyor Sereno, Jr (DOA), hingkud, minyo, Barangay Kagawad, ug residente sa Purok 1, Linabo, Quezon, Bukidnon.

Sa taho ni Police Maj. Noel F. Cano, OIC sa Quezon Municipal Police Station, ang boom truck nga ilang gisakyan nagbyahe gikan sa Sitio Bagong Lipunan, Linabo, Quezon, Bukidnon ug padulong sa LGU Quezon, Bukidnon sa dihang ang drayber nawad-an og control sa iyang gimanehoan ug napadulong sa may pangpang.

Tungod niini, si Pantua, Saison, Villamero ug Sereno gihayag nga dead on arrival (DOA) samtang si Ratunil gidala sa Bukidnon Provincial Hospital Maramag alang sa medikasyon. (MG Mayumi B. Madera)

796 ka mga pasyente naatiman sa medical and surgical mission sa Maramag

Posted on by cmn

Niabot sa kinatibuk-ang 796 ka mga pasyente ang nahatagan og pagtagad ug kasulbaran sa ilang tagsa-tagsa ka mga balatian, atol sa gihimong duha ka adlaw nga medical and surgical mission nga gipangunahan sa Senate Spouses Foundation, Inc., ubos sa ilang presidente Audrey Tan Zubiri, Marso 15-16, 2023, sa Bukidnon Provincial Hospital–Maramag, Purok 2, Poblacion, Maramag, Bukidnon

Sulod sa duha ka adlaw, adunay 60 ka mga pasyente sa surgical, 356 sa medical, 163 sa pediatric, 52 sa OB, og 165 ka mga senior citizens og PWDs nga mga pasyente ang kinatibuk-ang natambalan.

β€œπ·π‘–π‘™π‘– π‘™π‘Žπ‘›π‘” π‘˜π‘Žπ‘¦ π‘π‘Žπ‘”π‘Žπ‘‘π‘Žπ‘šπ‘π‘Žπ‘™π‘Žπ‘› π‘Žπ‘›π‘” π‘šπ‘”π‘Ž π‘ π‘Žπ‘˜π‘–π‘‘ 𝑖𝑠𝑖𝑝 π‘›π‘”π‘Ž β„Žπ‘Žπ‘šπ‘’π‘π‘œ π‘›π‘”π‘Ž π‘ π‘œπ‘™π‘’π‘ π‘¦π‘œπ‘›, π‘Žπ‘π‘Žπ‘› 𝑝𝑀𝑒𝑑𝑒 π‘˜π‘–π‘‘π‘Žπ‘›π‘” π‘šπ‘Žπ‘˜π‘Žβ„Žπ‘–π‘šπ‘œ π‘ π‘Ž π‘ π‘’π‘Ÿπ‘”π‘–π‘π‘Žπ‘™ π‘›π‘”π‘Ž π‘π‘Žπ‘šπ‘Žπ‘Žπ‘”π‘– π‘›π‘”π‘Ž π‘–π‘™π‘Žπ‘›π‘” π‘”π‘–π‘˜π‘–π‘›π‘Žβ„Žπ‘Žπ‘›π‘”π‘™π‘Žπ‘› π‘Žπ‘Ÿπ‘œπ‘› π‘šπ‘Žβ„Žπ‘Žπ‘‘π‘Žπ‘”π‘Žπ‘› π‘ π‘Ž π‘–π‘˜π‘ π‘Žπ‘˜π‘‘π‘œ π‘›π‘”π‘Ž π‘˜π‘Žπ‘ π‘’π‘™π‘π‘Žπ‘Ÿπ‘Žπ‘› π‘ π‘Ž π‘˜π‘œπ‘›π‘‘π‘–π‘ π‘¦π‘œπ‘› π‘ π‘Ž π‘–π‘™π‘Žπ‘›π‘” π‘π‘Žπ‘™π‘Žπ‘‘π‘–π‘Žπ‘›β€, matud pa ni Zubiri.

Ang mga surgical volunteers nihimo sa major and minor operations sama sa pagtanggal sa cyst, thyroidectomy, mastectomy, hysterectomy, tonsillectomy, incision and drainage, og ang hemorrhoidectomy.

Ang tanang serbisyo gikan sa screening ngadto na sa operasyon libre og walay bayad lakip na ang medikasyon og bitamina nga gihatag sa mga pasyente.

Ang maong proyekto gitimbayayongan sa World Surgical Foundation Philippines, Provincial Government of Bukidnon pinaage sa Bukidnon Provincial Hospital-Maramag, kauban ang mga volunteers gikan sa Bukidnon Medical Society, Philippine National Police, og ang Armed Forces of the Philippines. (PR)

2 patay sa pagpangdunggab sa Kalilangan

Posted on by Omar Rashid Z. Abdullah

Duha ka lalaki ang patay atol sa birthday party celebration nga nahigayon sa Pendon’s Spring Resort sa Kinura, Kalilangan, Bukidnon niadtong Enero 21 sa alas 6:30 sa gabie

Giingon ni Police Maj. Merlin M. Macawili, oic sa Kalilangan Municipal Police Station sa iyang report nga ang mga biktima naila nga si Benjie Gatera Babon, ulitawo, laborer ug residente sa P-5, Kidansalan, Public, Kalilangan, Bukidnon ug Ronnel Monelio Domingo, 21, ulitawo, laborer ug residente sa P-11, Lampanusan, Kalilangan, Bukidnon.

Gikataho nga ang mga biktima uban sa mga suspek nag-inom ug nag videoke atol sa birthday party celebration nga ilang gi-apilan ug didto nahitabo ang pagpangdunggab.

Ang mga suspek giila nga sila Reynato Samiao y CaΓ±edo, 40, minyo, laborer; Pablito Cumahig y Alpeche, 44, minyo, laborer; Christopher Cumahig y Alpeche, 43, adunay kapuyo; Gilbert Acuerdo y Samiao, 19, ulitawo; ug Jerry Samiao y CaΓ±edo (hospital arrest), 32, adunay kapuyo ug tanan residente sa Brgy. Bang-bang, Kalilangan, Bukidnon. Ug isa ka wala mailhi nga suspek nga naka ikyas.

Ang mga biktima gidala sa Bukidnon Provincial Hospital sa Kalilangan apan gideklara nga dead on arrival. (Omar Rashid Z. Abdullah)

Bed capacity sa BPH Manolo Fortich uswagan

Posted on by cmn

Ang bed capacity sa Bukidnon Provincial Hospital sa Manolo Fortich ang pagauswagan gikan sa 24 ngadto sa 60.

Pinaagi sa isa ka resolusyon, giuyonan sa Sangguniang Panlalawigan (SP) sa Bukidnon niadtong Enero 28 ang sulat hangyo ni Gobernador Jose Ma. R. Zubiri Jr. kabahin sa maong katuyoan.

Ang resolusyon gikinahanglan alang sa aplikasyon sa maong hospital ngadto sa Department of Health aron pauswagan ang bed capacity niini.

Tumong niini nga matubag ang panginahanglan sa pagpataas sa occupancy rate matag tuig sa maong hospital.

Ang Provincial Government sa Bukidnon mipasalig nga muhatag sa dugang empleyado, dugang medical equipment ug mga suplay alang sa operation ug maintenance sa hospital. (Mel B. Madera)