Thursday, April 25, 2024

Tag: suspek

Mag live-in gipamusil sa Quezon

Posted on by Diego M. Hidalgo

Patay ang isa ka lalaki samtang samdan ang kapuyo niini human sila gipamusil sa Purok 6, Brgy. Magsaysay, Quezon, Bukidnon gabii sa Marso 29, 2024

Sumala sa report ni Police Lt. Col Noel F. Cano, OIC sa Quezon Municipal Police Station, nadala pa sa Quezon Health Center Infirmary ang mga biktima.

Apan ang lalaki kinsa nakaangkon sa grabing mga samad pinusilan sa lawas ang gideklarang patay na sa wala pa mahiabot.

Samtang ang iyang kapuyo kinsa nakaangkon sa samad pinusilan sa tuong tiil ug tiyan ang gibalhin sa Bukidnon Provincial Hospital sa Maramag, Bukidnon.

Nasayran sa imbestigasyon sa kapolisan sa Quezon nga ang mga biktima nag-atiman sa ilang food stall alang sa selebrasyon sa Araw ng Barangay sa dihang gipusil sa suspek gamit ang wala masayring kalibre sa armas.

Ang suspek nisibat padulong sa Arakan, North Cotabato ug padayon pa kining gipangita.

Nakuha sa dapit sa krimen ang unom ka kapsola sa bala sa armas.

Padayon pa sab ang imbestigayon sa kapolisan aron pag-ila sa suspek ug pagsuta sa motibo sa krimen. (Diego M. Hidalgo)

Tawo giduggab sa igsoon sa Kibawe

Posted on by Diego M. Hidalgo

Isa ka lalaki ang gidunggab patay sa iyang manghod didto sa Purok 9, Romagook, Kibawe, Bukidnon

Ang insidente nahitabo gabii sa Marso 26, 2024, sumala kini sa report ni Police
Major Jayvee G. Babaan, OIC sa Kibawe Municipal Police Station.

Ang 31-anyos nga biktima nakaangkon sa grabing samad dinunggaban sa tuong dughan ug tiyan.

Gidala siya sa Bukidnon Provincial Hospital (BPH) sa Kibawe, Bukidnon apan gideklarar siyang patay sa niatiman nga doktor.

Sumala pa, sayong gabii sa maong petsa, samtang tua sa Barangay Pay-as, Kadingilan, Bukidnon, ang duha samtang nagka-inom sa ilimnong makahubog ang nagkalalis nga niresulta sa pagsinumbagay.

Pagkahuman, ang suspek niadto sa panimalay sa ilang ginikanan sa Romagook aron magkuha sa iyang mga sinina.

Ang duha nagkakita didto pag-usab diin gihapak sa biktima ang walang bukton sa suspek gamit ang palwa sa lubi.

Gumikan niini gihublot sa 26-anyos nga suspek ang iyang dalang kutsilyo ug gidunggab ang iyang magulang makaduha ka higayon.

Ang suspek nasikop sa niresponding kapolisan.

Walay pagsinabtanay sa managsoon ang nakitang motibo sa krimen. (Diego M. Hidalgo)

Babaye, lalaki gipamusil sa Valencia

Posted on by Heber Quinco

Biktima sa pagpamusil ang babaye ug lalaki sa Aguilar St., Purok 16, Brgy. Poblacion, Valencia City, Bukidnon

Sumala ni Police Lt. Col. Mitchell Clemencio, OIC sa Valencia City Police Station, ang krimen nahitabo pasado alas 3:30 sa buntag niadtong Pebrero 28, 2024.

 

Ang mga biktima isa ka 41-anyos nga lalaki ug 33-anyos nga babaye.

 

Sila gidala sa Adventist Medical Center sa Brgy. Poblacion, Valencia City apan ang lalaki gideklarar nga patay sa wala pa mahiabot.

 

Nasayran nga ang duha nag-inom sa D96 Minimart sa dihang isa ka wala mailhing tawo ang niduol kanila ug gikalalis niini ang babaye nga biktima.

 

Paglabay sa pipila ka minuto, nilakaw ang suspek ug mibalik nga nagdala og mubo nga armas dayon gipusil ang duha ka mga biktima nga naigo sa managlahing bahin sa ilang lawas.

 

Ang suspek daling misibat sa wala masayring direksiyon human sa insidente.

 

Nasayran nga ang lalaki isa ka sekyu nga taga Tanglaw, Davao del Norte samtang ang kaubang babaye taga Talomo, Matina Aplaya, Davao City.

 

Anggulong Love Triangle ang isa sa gilantaw nga hinungdan sa maong krimen.

 

Samtang ang kapolisan nagpadayon pa sa ilang imbestigasyon alang sa pag-ila sa misibat nga suspek. (Diego M. Hidalgo)

Suspek sa Basag Kotse incidents sa Bukidnon nakigpinusilay sa kapulisan

Posted on by Diego M. Hidalgo

Nakigpinusilay sa mga myembro sa Valencia City Police Station ang giingon nga notoryus nga suspek sa Basag Kotse incidents sa Bukidnon

Si Police Lt. Col. Mitchel Clemencio, OIC sa Valencia CPS sa iyang report miingon nga ang

pinusilay nahitabo sa alas 12:46 a.m. sa Marso 1, 2024.

 

Sumala sa report, nabantayan nga gipang-lili sa suspek ang mga sakyanan nga nakaparada sa corner sa Valero ug Antonio Street, Poblacion, Valencia City.

 

Nakigpinusilay ang 28-anyos nga suspek sa nagpatrolyang mga pulis sa dapit.

 

Ang motorsiklo nga gimaneho sa suspek nakadusmo sa lechon manok stall sa daplin sa Sayre

Highway sa Purok uno sa Barangay Lumbo human sa ginukdanay.

 

Gidala ang suspek sa Laviña General Hospital aron matambalan gumikan sa samad pinusilan

nga naangkon sa lawas.

 

Apan gideklarar siya nga patay na sa wala pa mahiabot sa nag-atiman nga doktor.

 

Lakip sa narekober gikan sa suspek ang isa ka kalibre .45 pistola nga adunay steel magazine nga kargado sa upat ka buhing bala.

 

Sa dugang imbestigasyon nasayran nga ang nahisgutang narekober nga armas nakarehistro ug gipanag-iya sa isa ka 46-anyos nga negosyante.

 

Nasuta nga ang maong armas gibutang sulod sa Ford Ranger Raptor nga sakyanan sa negosyante samtang giparking kini sa Jocels Garden, Purok 2, Brgy. Poblacion, Valencia City niadtong Oktubre 7, 2023 sa mga alas 8:50 sa gabii.

 

Giguba ang bintana sa maong sakyanan ug gituyo nga gikuha sa sad-an ang maong armas. (Diego M. Hidalgo)

Lalaki gipusil sa Kitaotao

Posted on by Omar Rashid Z. Abdullah

Isa ka 23-anyos nga lalaki ang gipusil patay sa Purok 10, Sityo Pamulaan, Sinuda, Kitaotao, Bukidnon gabii sa Enero 12, 2024

Ang biktima nakaangkon og upat ka samad pinusilan – duha sa iyang dughan, ug duha sa wala ug tuo nga bahin sa iyang lawas.

Sumala kini sa report ni Police Captain Christopher P. Tuzara II, OIC sa Kitaotao Municipal Police Station (KMPS).

Sa inisyal nga imbestigasyon, nasayran nga sa samang petsa mga alas 7:40 sa gabii, nagbarog daplin sa dalan ang nahisgutang biktima dihang niabot ang duha ka wa mailhing tawo sakay sa kolor itom nga Kawasaki Bajaj nga motorsiklo, nga walay plaka.

Gipusil sa mga mamumuno ang lalaki sa makadaghang higayon gamit ang Cal .45 nga pistola.

Matod sa magulang sa biktima, ang gunman nagsul-ob og itom nga jacket, itom nga bonnet, ug itom nga short.

Human sa pagpamusil, misibat ang mga suspek paingon sa amihanang direksyon.

Ang biktima gihatod dayon sa iyang igsuon sakay sa motorsiklo paingon sa Buda Medical Center. Ikasubo, ang biktima gideklarar nga dead on arrival sa nag-atiman nga mananambal.

Narekober sa mga mirespondeng pulis nga nadestino sa Border Control Point (BCP) sa Lorega, Kitaotao, Bukidnon ang unom (6) ka kabhang sa bala sa Cal. 45 pistola sa lugar nga nahitaboan sa pagpamusil.

Kini nga mga piraso sa ebidensya lagmit adunay mahinungdanon nga papel sa nagpadayon nga imbestigasyon aron mailhan ang mga sad-an ug mahibal-an ang mga kahimtang nga naglibot sa insidente.

Wala pa matino ang motibo sa pagpamusil.

Ang padayon nga imbestigasyon nakatutok sa pagtigom og dugang impormasyon aron mahibaw-an ang mga rason luyo sa pag-atake sa biktima. (Omar Rashid Z. Abdullah)

Liog sa hubog gihiwa sa Maramag

Posted on by Omar Rashid Z. Abdullah

Gikatahong gihiwa ang liog sa isa ka tawong ubos sa impluwensya sa ilimnong makahubog sa sa terasa sa isa ka balay sa Purok 5, Brgy. San Miguel, Maramag, Bukidnon niadtong Enero 6, 2024

Sumala sa report sa kapolisan sa Maramag Municipal Police Station (MMPS), ang biktima isa ka 36-anyos nga lalaki kinsa residente sa dapit.

Base sa pamahayag sa tag-iya sa balay, hubog nga niabot ang maong biktima, ug nilingkod sa terrace sa ilang balay.

Matod nila, naandan na kini nga ginabuhat sa biktima matag mahubog.

Pipila ka oras ang milabay, dihang ang tag-iya sa balay nagkuha og mga personal nga panginahanglanon, milili siya sa bintana gikan sa sulod sa iyang gamay nga tindahan. Didto iyang nakita ang biktima nga nagbuy-od sa yuta nga naligo sa iyang dugo.

Human niadto, ang tag-iya sa balay mitawag sa atensyon sa iyang asawa, dayon nipahibawo sa mga opisyal sa barangay ug Maramag MPS bahin sa hitabo.

Ang biktima gidala sa Maramag rescue personnel sa Bukidnon Provincial Hospital (BPH), Maramag, Bukidnon alang sa post mortem examination.

Ang mga sakop sa Maramag MPS padayon pa nga nagpahigayon og follow up nga imbestigasyon aron mailhan ang suspek. (Omar Rashid Z. Abdullah)

2 MWP sa Bukidnon nakorner

Posted on by Diego M. Hidalgo

Nakorner sa kapolisan ang Top 4 ug Top 6 most wanted persons sa Bukidnon sa managlahi nga law enforcement operations

Matod sa report sa kapolisan, niadtong Enero 5, 2024, nasikop sa kapolisan sa Manolo Fortich Municipal Police Station (MFMPS) si Fernando Cabandog y Casas, 56 anyos.

Si Cabandog ang Top 4 MWP sa Bukidnon ug Top 3 sa Municipal level.

Nakorner siya sa Zone 7, Sitio Awol, Brgy. Lunocan, Manolo Fortich sa tulo ka ihap sa kasong Qualified Rape.

Sa laing bahin, niadtong Enero 7, 2024, nasikop ang 28-anyos nga babayeng pinangita sa balaod nga si Lovely Bation Sabuero sa Sitio Bagong Silang, Brgy. Sta Inez, Malitbog, Bukidnon

Ang nakorner nga Top 6 most wanted person sa probinsya, nag-atubang sa kaso nga adunay kalabotan sa druga. (Diego M. Hidalgo)

Facility sa DOLE Skyland sa Impasug-ong gisulod sa mga armado

Posted on by cmn

Gisulod sa mga armadong lalaki ang compound sa DOLE Skyland labi na ang ilang palletizing area sa Raganot farm pasado 1:00 ang takna sa buntag niadtong Enero 6, 2024

Sumala sa report sa Impasug-ong Municipal Police Station (IMPS), ang wala mailang mga walo ka tawo ang misulod sa pasilidad nga nahimutang sa Brgy. Cawayan, Impasugong, Bukidnon.

Sa gihimong imbestigasyon, nasayran nga upat ka mga security guard ang nag-duty sa compound.

Nakurat sila human gipangtionan sa mga suspek gamit ang shotguns ug handguns ug gidis-armahan.

Gitugyan sa mga sekyu ang ilang agency-issued firearms nga gilangkuban sa duha ka kalibre .38 revolver ug duha cal. 9mm pistol.

Lakip sab nga gibitbit sa mga suspek ang ilang upat ka cellphone dayong sibat padulong sa wala masayring direksyon.

Walay napabuto nga armas atol sa insidente ug walay natala nga kaswalti.

Ang Impasugong MPS nagpadayon sa pagpahigayon og imbestigasyon aron pag-ila sa mga suspek. (melbmadera)

Cops busted 6 drug suspects in Kalilangan, Pangantucan

Posted on by cmn

MALAYBALAY CITY (Jan. 10, 2024) – Six drug suspects have been apprehended by police in a series of buy-bust operations in the towns of Kalilangan and Pangantucan in the province of Bukidnon’s south-western region

Members from Kalilangan Municipal Police Station (KMPS) has cornered two males who are newly identified high-value individuals in a buy-bust operation at Purok 2B, Brgy. Kinura, Kalilangan, Bukidnon at around 3:17 AM on January 9, 2024.

The suspects were a 24-year-old and 20 years old respectively.

The suspected shabu recovered from their possession and control has an estimated standard price of PhP505,172.00.

Members of KMPS also arrested 38-year-old and 23-year-old alleged male drug pushers in a buy-bust operation held at Sitio Cogo, Brgy. Macaopao of the same town at around 8:15 AM on the same day.

The confiscated suspected shabu from the newly identified suspects was estimated to be worth PhP21,556.00.

Meanwhile, personnel from Bukidnon Provincial Drug Enforcement Unit together with Pangantucan MPS and Bukidnon Provincial Intelligence Unit have cornered two illegal drug suspects in a buy-bust operation at Purok 3, Brgy. Upper Barandias, Pangantucan, Bukidnon at around 6:40 PM on January 7, 2024.

The first suspect was a 24-years old male who is a high-value-individual while his newly identified drug personality male cohort is a 21-years old.

The recovered suspected shabu from their control and possession has a market value of PhP 374,000.00.

A case for violation of Sections 5 and 11, Article II of RA 9165 were prepared against the arrested suspects.

The confiscated drug items were brought to Bukidnon Forensic Unit in Malaybalay City for qualitative and quantitative examinations.

The arrested persons are now under the custody of arresting police stations for documentation and proper disposition. (melbmadera)

Lalaki gipusil sa Don Carlos

Posted on by Diego M. Hidalgo

Isa ka lalaki ang gipusil patay sa Purok 8, Brgy. Calaocalao, Don Carlos, Bukidnon gabii
sa Disyembre 27

Sumala sa report sa kapolisan sa Don Carlos, ang biktima gipusil patay samtang naglingkod sa
ilang balcony.

Ang biktima nakaangkon sa grabing mga samad pinusilan sa lawas hinungdan sa iyang
hinanaling kamatayon.

Saysay sa higala sa biktima, nga samtang nag-estoryahanay sila, isa ka wala mailhing lalaki nga
nagsuot og jacket nga adunay hood, ang misulod sa pinuy-anan sa biktima ug girakrakan kini.

Ang wala mailhing lalaki nga suspek daling misibat human sa insidente.

Narekober sa crime scene ang 20 ka baseyo sa bala sa Armalite rifle ug isa ka kapsola sa
bala sa kalibre .45 pistola.

Padayon pa ang imbestigayon sa kapolisan aron pag-ila sa suspek ug pagsuta sa motibo sa
krimen. (Diego M. Hidalgo)