Patay ang usa ka lalaking drayber sa tag-iya sa usa ka fruit stall human kini gipusil sa mga wala mailhing suspek atol sa usa ka pagpanulis sa Purok 1, Barangay Linabo, Malaybalay City, Bukidnon, pipila ka oras sa wala pa ang pagsaulog sa Bag-ong Tuig niadtong Disyembre 31, 2025

Sumala sa report ni Police Lt. Col. Joepet B. Paglinawan, hepe sa Malaybalay City Police Station, ang 51-anyos nga biktima gidala dayon sa Bukidnon Provincial Medical Center (BPMC) sa Malaybalay City, apan gideklara kining dead on arrival sa mga doktor.

Matod sa babayeng tag-iya sa fruit stall, mga alas 9:15 sa gabii, miabot sa iyang tindahan ang mga wala mailhing suspek ug nagdeklarar og tulis. Human niya matunol ang mokabat sa ₱100,000.00 nga cash, giingong gipusil sa suspek ang iyang drayber sa wala pa kini miikyas paingon sa wala masayring direksiyon. (Diego M. Hidalgo)