Saturday, September 27, 2025

Panid Bisaya

Team leader sa NPA mitahan sa San Fernando

0

Central Mindanao Newswatch - local newspaper

Share this post?

Isa ka Team Leader sa New People’s Army (NPA) nga nalista sa Periodic Status Report ang boluntaryong nitahan sa mga awtoridad uban ang isa ka armas sa San Fernando, Bukidnon, kaniadtong Agosto 26, 2025

Mga alas 8:40 sa buntag, si alias Jumar, 33, ulitawo, ug residente sa San Fernando, Bukidnon, nisumite sa iyang kaugalingon sa 1003rd Maneuver Company, RMFB 10, sa Brgy. Halapitan, San Fernando, Bukidnon.

 

Si “Jumar,” nga giila isip Team Leader sa Squad Uno, Platoon Dos, Guerilla Front Malayag, misumite usab og usa ka homemade Caliber 5.56 revolver pistol nga adunay upat (4) ka buhi nga bala.

 

Ang boluntaryong pagsumite gihimo pinaagi sa tinabangay nga paningkamot sa 1003rd Maneuver Company, RMFB 10, uban ang suporta sa mga personnel gikan sa S2 RMFB 10, 1004th MC RMFB 10, San Fernando MPS, 1st ug 2nd Bukidnon PMFC, Bukidnon PIU, RPSB San Fernando Cluster, BUK-PIU, BUK-PIT, RIU 10, 13SAC, 1st SAB, PNP-SAF, ISOD, RIU 11, NICA 10, 89IB PA, ug 3SFC 1SFBN.

 

Sa iyang mensahe, gipasabot pag-usab ni Police Brig. Gen. Rolindo M. Suguilon, regional director sa Police Regional Office 10, ang ilang komitment, uban sa hugot nga koordinasyon sa Armed Forces of the Philippines ug uban pang ahensya sa gobyerno, sa pagpadayon sa mga inisyatibo alang sa kalinaw ug pagpalig-on sa mga programa sa reintegrasyon para sa mga kanhi rebelde sa Northern Mindanao.

 

Si “Jumar” karon anaa na sa kustodiya sa 1003rd Maneuver Company alang sa custodial debriefing ug profiling. (melbmadera)

Related Post

Nasakmit ang gidudahang shabu nga nagbalor og ₱6,800 gikan sa 49-anyos nga lalaki nga giingong suspek sa extortion Nasikop sa entrapment operation ang suspek sa Shell Gasoline Station sa Purok 5, Brgy. Casisang, Malaybalay City, Bukidnon, hapon sa Setyembre 23, 2025.   Gawas sa gidudahang shabu, nakuha sab gikan sa posisyon sa suspek ang ₱7,300...
Isa ka lalaking gunsmith ang nakorner sa kapolisan sa entrapment operation sa Purok 4, Brgy. San Jose, San Fernando, Bukidnon buntag sa Setyembre 23, 2025 Sa report ni Police Major Anthony O. Townend, OIC sa Bukidnon First Provincial Mobile Force Company, ang isa ka 36-anyos nga residente sab sa dapit.   Nakuha gikan sa posisyon...
MALAYBALAY CITY, Bukidnon — Nangibabaw ang Bukidnon 4-H Club sa rehiyon human makuha niini ang 1st Place – Overall Champion sa gipahigayon nga 11th 4-H Regional Young Farmers Camp and Agrilympics 2025 Sumala sa Facebook post sa LGU Bukidnon, ang kalihokan gilunsad niadtong Setyembre 16-19 sa Northern Mindanao Agricultural Crops and Livestock Research Complex (NMACLRC),...