Friday, March 22, 2024

Panid Bisaya

Tunghaan sa IPs, FMR gimugna sa Army, LGU Quezon

0

Central Mindanao Newswatch - local newspaper

Share this post?

MARAMAG, Bukidnon – Ang 88th Infantry “Maringal” Battalion, Philippine Army kauban ang Local Government Unit sa Quezon ug 524 Engineering Construction Battalion ang mi-facilitate sa construction sa Indigenous School ug sa improvement sa Farm to Market Road (FMR) sa Purok 8, Brgy. Magsaysay, Quezon, Bukidnon.

Sa report sa 402nd Media Partners viber group, ang upat ka kilometro nga road rehabilitation ug construction sa isa ka unit sa duha ka classrooms alang sa IP school nga gihimo sa Engineering Battalion, ang nagsugod kaniadto pang Abril 6, 2020. Kahinumdoman nga kini nga IP community hugtanong nisalikway na sa suporta sa NPA.

Ang nasangpit nga proyekto, resukta sa government interventions human sa Community Support Team sa 88th Infantry “Maringal” Battalion nga nag-immersion sa komunidad.

Nadiskobrehan nila nga ang kulang sa komunidad mao ang FMR ug eskwelahan diin maoy gigamit sa mga NPA sa pag-radicalized sa komunidad ug pag-recruit sa mga Indigenous People (IP) nga moanib sa NPA.

Ang proyekto gipundohan sa LGU Quezon sa pagpanguna ni Mayor Pablo Lorenzo II ug sa Kapit-Bisig Laban sa Kahirapan-Comprehensive and Integrated Delivery of Social Services (Kalahi-CIDSS) nga gi-implementar sa Department of Social Welfare and Development (DSWD).

Ang eskwelahan giturn-over na ngadto sa Department of Education (DepEd).

Si Lt. Col. Franklin Fabic, 88IB Battalion Commander sa isa ka pahayag, niingon nga “kini unta ang sinugdnanan sa bag-ong dalan sa kinabuhi sa barangay. Kini nga proyekto ug programa nagpamatuod sa commitment sa gobyerno sa pagkab-ot sa kalinaw ug kalamboan.” (Sean G. Sulugan)

Related Post

Patay ang isa ka batang babaye samtang angol ang duha ka mga drayber human sa road mishap nga nahitabo sa Purok Mauswagon, Barangay Pinamaloy, Don Carlos, Bukidnon hapon sa Marso 2, 2024 Si Police Major Cipriano V. Bazar, Jr., OIC sa Don Carlos Municipal Police Station, miingon sa iyang report nga ang bata nadusmogan sa...
Biktima sa pagpamusil ang babaye ug lalaki sa Aguilar St., Purok 16, Brgy. Poblacion, Valencia City, Bukidnon Sumala ni Police Lt. Col. Mitchell Clemencio, OIC sa Valencia City Police Station, ang krimen nahitabo pasado alas 3:30 sa buntag niadtong Pebrero 28, 2024.   Ang mga biktima isa ka 41-anyos nga lalaki ug 33-anyos nga babaye....
Nakigpinusilay sa mga myembro sa Valencia City Police Station ang giingon nga notoryus nga suspek sa Basag Kotse incidents sa Bukidnon Si Police Lt. Col. Mitchel Clemencio, OIC sa Valencia CPS sa iyang report miingon nga ang pinusilay nahitabo sa alas 12:46 a.m. sa Marso 1, 2024.   Sumala sa report, nabantayan nga gipang-lili sa...