Saturday, March 29, 2025

Panid Bisaya

Tunghaan sa Valencia nakaangkon og bag-ong 2-story building

0

Central Mindanao Newswatch - local newspaper

Share this post?

Ang Valencia City Central School (VCCS) nakaangkon og bag-ong 2-storey building nga adunay walo ka mga classrooms

Sumala sa kasayoran sa City Government of Valencia, ang proyekto gidonar sa pribadong sector.
Pormal nga giturnober sa Security Bank Foundation, Inc. (SBFI) ug Security Bank Corporation ngadto sa DepEd Division of Valencia ang maong proyekto.
Si Mr. Rafael Simpao Jr., chairman sa SBFI ang nanguna sa pagtunol sa maong proyekto.
Emosyonal usab niya nga gipadangat ang iyang kalipay nga mapahimuslan na kini sa mga magtutudlo ug mga estudyante sa nasangpit nga tulonghaan.
Samtang gikalipay ni Mayor Azucena Huervas ang pagtapos sa proyekto nga gisuportahan sa lokal nga pangagamhanan.
Iya usab gipasalamatan ang SBFI ug ang uban pa nga mga mipaluyo sa proyekto sa pagpili sa dakbayan sa Valencia nga mahimong unang benepisyaryo sa probinsya sa Bukidnon ubos sa “Build a School, Build a Nation” Program.
“It is our goal that ‘No Valencianos shall be left behind.’ Thus, I believe that through this school building, we can provide a better and conducive learning environment for our young Valencianos – as our youth is the hope of our nation,” matod ni Huervas.
Mapasalamaton sab sila Assistant Schools Division Superintendent Sunny Ray Amit ug si VCCS Principal Miguelito Bendijo nga nanguna usab sa pagdawat sa maong proyekto.
Mipasalig sab ang duha nga ampingan sa DepEd ang maong pasilidad.
Mitambong usab sa maong seremonya sila Councilor Annalou Zambrano, chairperson on Education, Science and Technology, Arts and Culture; Barangay Poblacion Officials; Ms. Melissa Aquino, SBFI Trustee and Corporate Secretary; Ms. Roziel Yap, Security Bank Valencia Branch Channel Manager; Ms. Hershey Mae Oro, Security Bank Valencia Business Manager; ug si Dr. Carmelita Oracion, Ateneo de Manila University Center for Educational Development Managing Director. (melbmadera)

Related Post

Kaniadtong Marso 3, 2025, gipahigayon ang Pamuhat, usa ka ritual nga kabahin sa kasaulogan sa 27th Charter Day celebration sa Malaybalay City, Bukidnon Gipahigayon ang maong kalihokan sa New City Hall Grounds sa Barangay Casisang, Malaybalay City. Mitambong sa ritual ang mga baylan ug mga lider sa indigenous peoples sa dakbayan. Anaa usab sa maong...
Nibalor og Php 2,041,360.00 ang gidudahang shabu nga nasakmit sa hiniusang puwersa sa kapolisan atol sa usa ka buy-bust operation sa Purok 1, Barangay Lumbo, Valencia City niadtong hapon sa Marso 1, 2025 Nasikop usab ang lalaking suspek nga si Alyas “Jason,” nga gikonsiderang high-value individual, 25-anyos, ug residente sa Purok 2B, Barangay San Miguel,...
Ang lokal nga pangagamhanan sa Bukidnon, lakip ang 20 ka munisipyo ug duha ka dakbayan sa probinsya, nakapasar sa 2024 Good Financial Housekeeping sa ilang matag kategorya Sumala kini sa Facebook post sa Department of the Interior and Local Government (DILG) Bukidnon. Matod sa DILG Bukidnon, kini nga talagsaong milestone usa ka testamento sa walay...