Mikabat sa 350,000 ka tilapia fingerlings ang libreng naipanghatag ngadto sa 270 ka fisherfolks sa probinsya sa Bukidnon

Sumala sa kasayoran sa LGU Bukidnon, ang kalihokan gipangunahan sa Provincial Agriculture Office uban sa tabang sa City Agriculture Office sa Malaybalay City, ug gipahigayon niadtong Pebrero 12 sa Capitol Compound sa Malaybalay City.

Nasayran nga ang maong distribusyon kabahin sa extension sa ikatulong hugna sa Kaamulan Tilapia Fingerlings Dispersal sa miaging Kaamulan, pinaagi sa hangyo ni Gobernador Rogelio Neil P. Roque ngadto sa Bureau of Fisheries and Aquatic Resources Region 10 ug BFAR Provincial Fisheries Office, kinsa naghatag sa maong mga fingerlings.

Gilauman usab nga laing dispersal sa tilapia fingerlings ang ipahigayon sa umaabot nga kasaulogan sa Kaamulan ning tuiga. (melbmadera)