Mikabat sa 5,252 ka sako sa 14-14-14 inorganic fertilizer ang naipanghatag ngadto sa corn farmers sa 37 ka barangay sa Malaybalay City, Bukidnon

Sumala sa press release sa City Government of Malaybalay, gipahigayon ang pag-withdraw sa maong ayuda gikan sa Pebrero 4 hangtod 11 ning tuiga.

Ang proyekto bug-os nga gipundohan sa Local Government Unit sa Malaybalay pinaagi sa 20 percent Development Fund sa miaging tuig.

Kahinumduman nga ang kaparis nga hybrid corn seeds ubos sa 2025 City Agricultural and Fishery Production Support Projects naipanghatag na ngadto sa mga kwalipikadong benepisyaryo niadtong Septiyembre 30 sa miaging tuig.

Apan, sa maong kalihokan, napamatud-an nga ang unang batch sa fertilizers wala mipasar sa quality standards, hinungdan nga kini gipapulihan ug nadugay ang paghatag niini ngadto sa mga mag-uuma. (melbmadera)