Saturday, November 21, 2026

Panid Bisaya

70-anyos nga babaye, gitigbas sa Kitaotao

0

Central Mindanao Newswatch - local newspaper

Share this post?

KITAOTAO, Bukidnon — Samdan ang isa ka 70-anyos nga babaye human gitigbas sa isa ka 56-
anyos nga lalaki gamit ang karit sa Purok 5, Barangay East Dalurong, Kitaotao, Bukidnon, hapon
sa Nobyembre 15, 2026, sumala sa kapulisan.

Base sa inisyal nga imbestigasyon sa Kitaotao Municipal Police Station (MPS), nagtindog ang
biktima atubangan sa isa ka tindahan dihang kalit siyang giatubang sa suspek nga giingong
hubog niadtong mga orasa.
Walay klarong hinungdan nga gihisgotan sa report sa dihang gitigbas sa suspek ang biktima
gamit ang karit, nga miigo sa iyang tuo nga pulso ug nakapahinabo og samad.
Gidala dayon ang biktima sa Quezon Infirmary Hospital sa lungsod sa Quezon, Bukidnon alang
sa medikal nga pagtambal.
Sumala sa inisyal nga imbestigasyon, balik-balik nang gireklamo sa ilang mga silingan ang
suspek tungod sa iyang gawi nga makasamok sa komunidad, ilabina kon hubog. Lakip sa mga
mireklamo kaniadto ang biktima ug nangayo sila nga pahawaon siya sa ilang lugar.
Human sa insidente, giingong gikulata usab sa mga paryente sa biktima ang suspek, hinungdan
nga nakaangkon usab kini og mga samad sa lawas.
Nadakpan sa mga rumespondeng pulis ang suspek ug narekober gikan sa imbestigasyon ang isa
ka karit nga gikatahong gigamit sa pagpanigbas, nga may gibana-banang 15 ka pulgada ang
gitas-on lakip ang kuptanan.

Gituohang kalagot ug kahubog ang posibleng hinungdan sa insidente, sumala sa kapulisan.
Naa na sa kustodiya sa Kitaotao MPS ang suspek samtang giandam ang tukmang reklamo batok
kaniya.
Gimandoan ni Bukidnon Police Provincial Office Director Col. Oliver S. Navales ang Kitaotao
MPS nga palawmon pa ang imbestigasyon sa maong insidente. (melbmadera).

Related Post

Nadakpan sa kapulisan ang isa ka 24-anyos nga babaye nga giklasipikar isip Top 4 Most WantedPerson sa provincial level tungod sa paglapas sa New Anti-Carnapping Law o Republic Act10883, sa isa ka operasyon sa Barangay Damilag, Manolo Fortich, Bukidnon, niadtongNobyembre 12, 2026. Giila sa kapulisan ang dinakpan nga isa ka dalaga ug residente sa maong...
Isa ka trayntay-nuybe-anyos nga drayber sa traysikol ang gipusil sa wala mailhing suspek gamitang kalibre punto-kurentay-singko pistola sa Purok five-A, North Poblacion, Maramag,Bukidnon, hapon sa Biyernes, Nobyembre trese. Base sa inisyal nga imbestigasyon, nagmaneho ang biktima uban sa iyang singkuwentay-singko-anyos nga pasahero dihang miduol kanila ang suspek nga sakay sa pula nga Honda Wave ngamotorsiklo...
KITAOTAO, Bukidnon — Samdan ang isa ka 70-anyos nga babaye human gitigbas sa isa ka 56-anyos nga lalaki gamit ang karit sa Purok 5, Barangay East Dalurong, Kitaotao, Bukidnon, haponsa Nobyembre 15, 2026, sumala sa kapulisan. Base sa inisyal nga imbestigasyon sa Kitaotao Municipal Police Station (MPS), nagtindog angbiktima atubangan sa isa ka tindahan dihang...