Saturday, November 21, 2026

Panid Bisaya

Valencia City, nag-andam og contingency plan alang sa Mt. Calayo

0

Central Mindanao Newswatch - local newspaper

Share this post?

Gipahigayon sa lokal nga pangagamhanan sa Valencia City ang tulo ka adlaw nga contingency
planning alang sa Mt. Calayo, nga nailhan usab nga Musuan Peak, aron mapalig-on ang
pagpangandam ug pagresponde sa posibleng mga emerhensiya nga may kalabotan sa bulkan.

Ang kalihokan, nga gisugdan niadtong Nobyembre 16 ug magpadayon hangtod Nobyembre 18,
2026, gipangunahan sa City Disaster Risk Reduction and Management Office (CDRRMO) uban
sa nagkadaiyang stakeholders.
Sjmala sa kasayoran, gisuportahan ang maong kalihokan ni Mayor Amie G. Galario ug Vice
Mayor Greizl Galario-Fernandez.
Tumong sa contingency planning nga mailhan ang posibleng mga peligro nga mahimong
ipahinabo sa Mt. Calayo ug mapahimutang ang tukmang mga lakang sa pagpangandam,
koordinasyon ug pagresponde aron mapanalipdan ang katawhan.
Ang Mt. Calayo, nga mas nailhan sa ngalan nga Musuan Peak, isa ka aktibong bulkan nga
adunay natala nga pagbuto niadtong 1866 ug 1867.
Bisan pa sa taas nang panahon sukad sa kataposang natala nga pagbuto niini, gipasiugda sa lokal
nga pangagamhanan ang kamahinungdanon sa padayon nga pagmonitor ug pagpangandam aron
masiguro ang kaluwasan sa mga residente.
Pinaagi sa maong pagplano, gilaoman nga mas mapalig-on ang koordinasyon tali sa lokal nga
pangagamhanan ug sa nagkadaiyang ahensya ug organisasyon sa pagdumala sa posibleng mga
peligro nga may kalabotan sa bulkan. (melbmadera)

Related Post

Nadakpan sa kapulisan ang isa ka 24-anyos nga babaye nga giklasipikar isip Top 4 Most WantedPerson sa provincial level tungod sa paglapas sa New Anti-Carnapping Law o Republic Act10883, sa isa ka operasyon sa Barangay Damilag, Manolo Fortich, Bukidnon, niadtongNobyembre 12, 2026. Giila sa kapulisan ang dinakpan nga isa ka dalaga ug residente sa maong...
Isa ka trayntay-nuybe-anyos nga drayber sa traysikol ang gipusil sa wala mailhing suspek gamitang kalibre punto-kurentay-singko pistola sa Purok five-A, North Poblacion, Maramag,Bukidnon, hapon sa Biyernes, Nobyembre trese. Base sa inisyal nga imbestigasyon, nagmaneho ang biktima uban sa iyang singkuwentay-singko-anyos nga pasahero dihang miduol kanila ang suspek nga sakay sa pula nga Honda Wave ngamotorsiklo...
KITAOTAO, Bukidnon — Samdan ang isa ka 70-anyos nga babaye human gitigbas sa isa ka 56-anyos nga lalaki gamit ang karit sa Purok 5, Barangay East Dalurong, Kitaotao, Bukidnon, haponsa Nobyembre 15, 2026, sumala sa kapulisan. Base sa inisyal nga imbestigasyon sa Kitaotao Municipal Police Station (MPS), nagtindog angbiktima atubangan sa isa ka tindahan dihang...