Saturday, November 21, 2026

Panid Bisaya

Drayber sa traysikol, gipusil sa sa Maramag

0

Central Mindanao Newswatch - local newspaper

Share this post?

Isa ka trayntay-nuybe-anyos nga drayber sa traysikol ang gipusil sa wala mailhing suspek gamit
ang kalibre punto-kurentay-singko pistola sa Purok five-A, North Poblacion, Maramag,
Bukidnon, hapon sa Biyernes, Nobyembre trese.

Base sa inisyal nga imbestigasyon, nagmaneho ang biktima uban sa iyang singkuwentay-singko-
anyos nga pasahero dihang miduol kanila ang suspek nga sakay sa pula nga Honda Wave nga
motorsiklo nga walay plaka, ug gipusil siya sa wala nga kilikili.
Sumala sa report sa Maramag Municipal Police Station, naangol usab ang pasahero human kini
mikanaog sa traysikol tungod sa kahadlok.
Gidala ang duha sa Bukidnon Provincial Hospital sa Maramag ug anaa na sila sa lig-on nga
kondisyon.
Samtang, nagpadayon ang hot-pursuit operation sa kapulisan aron madakpan ang suspek nga
nikalagiw paingon sa sidlakang bahin human sa pagpamusil.

2 samdan sa pagpamusil sa Maramag
Duha ka tawo, lakip ang isa ka drayber sa traysikol, ang nasamdan human gipusil sa wala pa
mailhing suspek samtang nagbiyahe sa Barangay North Poblacion, Maramag, Bukidnon, hapon
sa Nobyembre 13, 2026.
Giila sa kapulisan ang drayber sa alyas “Tonton,” 39 anyos, residente sa Purok 5, South
Poblacion, Maramag, nga naigo sa wala nga kilikili atol sa pagpamusil alas 4:15 sa hapon.
Ang iyang pasahero nga 55-anyos nga babaye, residente sa Zubiri Village, North Poblacion,
naangkon usab og pisikal nga samad human miambak sa traysikol tungod sa kahadlok sa
pagpamusil.

Base sa inisyal nga imbestigasyon sa Maramag Municipal Police Station (MPS), nagmaneho ang
biktima sa iyang traysikol uban sa pasahero dihang kalit silang giduolan sa isa ka wala mailhing
suspek nga sakay sa pula nga Honda Wave nga motorsiklo nga walay plaka.
Gibunot sa suspek ang armas ug gipusil pagbalik-balik ang drayber sa wala pa mikalagiw
paingon sa sidlakang bahin sa lugar.
Gidala sa mga paryente sa drayber ang duha ka biktima sa Bukidnon Provincial Hospital-
Maramag alang sa medikal nga pagtambal. Sumala sa kapulisan, anaa na sa lig-on nga kahimtang
ang duha human matambalan.
Narekober sa crime scene ang lima ka basiyo sa bala nga kalibre .45. Nangayo usab og tabang
ang Maramag MPS sa Scene of the Crime Operatives (SOCO) sa Bukidnon Provincial Forensic
Unit alang sa pagproseso sa nahitabong krimen.
Padayon ang hot-pursuit operation sa kapulisan aron madakpan ang suspek, lakip ang pagpalihok
sa containment measures sa palibot sa lugar. (melbmadera)

Related Post

Nadakpan sa kapulisan ang isa ka 24-anyos nga babaye nga giklasipikar isip Top 4 Most WantedPerson sa provincial level tungod sa paglapas sa New Anti-Carnapping Law o Republic Act10883, sa isa ka operasyon sa Barangay Damilag, Manolo Fortich, Bukidnon, niadtongNobyembre 12, 2026. Giila sa kapulisan ang dinakpan nga isa ka dalaga ug residente sa maong...
Isa ka trayntay-nuybe-anyos nga drayber sa traysikol ang gipusil sa wala mailhing suspek gamitang kalibre punto-kurentay-singko pistola sa Purok five-A, North Poblacion, Maramag,Bukidnon, hapon sa Biyernes, Nobyembre trese. Base sa inisyal nga imbestigasyon, nagmaneho ang biktima uban sa iyang singkuwentay-singko-anyos nga pasahero dihang miduol kanila ang suspek nga sakay sa pula nga Honda Wave ngamotorsiklo...
KITAOTAO, Bukidnon — Samdan ang isa ka 70-anyos nga babaye human gitigbas sa isa ka 56-anyos nga lalaki gamit ang karit sa Purok 5, Barangay East Dalurong, Kitaotao, Bukidnon, haponsa Nobyembre 15, 2026, sumala sa kapulisan. Base sa inisyal nga imbestigasyon sa Kitaotao Municipal Police Station (MPS), nagtindog angbiktima atubangan sa isa ka tindahan dihang...