Panid Bisaya
Utility personnel sa Liboran, Baungon gitigbas
0
Share this post?
Gitigbas patay sa wala mailang suspek ang utility personnel sa Brgy. Liboran, Baungon.
Sumala sa taho sa kapolisan, ang biktima nailang si Nestor Prequencia, 33, ulitawo, residente sa Purok 3, Liboran.
Napalgan ang iyang patay’ng lawas pasado alas 6:00 sa buntag sa Pebrero 9 atbang sa Barangay Hall sa Liboran.
Nakaangkon sa grabing mga samad tinigbasan sa lawas ang biktima hinungdan sa iyang hinanaling kamatayon.
Ang patay’ng lawas sa biktima gidala sa St. Bernard Funeral Homes sa Purok 2, Liboran.
Sa pagktulo ning balita, padayon pa ang imbestigasyon sa kapolisan sa Baungon aron pagsuta sa motibo ug pag-ila sa suspek sa krimen. (Omar Rashid Z. Abdullah)
By: Omar Rashid Z. Abdullah
Latest Article
Related Post
Aron mapalig-on ang lokal nga industriya sa turismo ug mapalambo ang abilidad sa mga gustong mahimong tour guide, ang City Tourism Office sa Malaybalay, kauban ang Department of Tourism (DOT) – Regional Office 10, malampusong nagpahigayon og pito ka adlaw nga Community Tour Guide Training gikan sa Septyembre 28 hangtod Oktubre 4, 2025 Ang training...
Gidakop ang isa ka kanhing kumander sa New People’s Army (NPA) nga kasamtangang anaa sa kustodiya sa police mobile force unit sa Don Carlos, Bukidnon, tungod sa kalapasan sa Republic Act No. 9851, o ang Philippine Act on Crimes Against International Humanitarian Law, Genocide, and Other Crimes Against Humanity Sumala sa report ni Police Lt....
Giila sa Department of Agriculture (DA) ang probinsya sa Bukidnon isip model province sa Integrated Rice Duck Farming System (IRDFS) in large scale Sumala kini sa gipadayag ni Dir. Jose Apollo Y. Pacamalan, regional executive director sa DA-RFO X, niadtong Oktubre 2, 2025, sa NMACLRC, Dalwangan, Malaybalay City, Bukidnon. Ang IRDFS usa ka sustainable...