Sunday, March 01, 2026

Panid Bisaya

Nutrisyon: Pundasyon sa tanang programa sa panglawas
cmn

0

0
Central Mindanao Newswatch - local newspaper

Share this post?

Facebook
Twitter
LinkedIn

β€œπΌ π‘π‘œπ‘›π‘ π‘–π‘‘π‘’π‘Ÿ π‘›π‘’π‘‘π‘Ÿπ‘–π‘‘π‘–π‘œπ‘› π‘Žπ‘  π‘‘β„Žπ‘’ π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’ π‘œπ‘“ π‘Žπ‘™π‘™ β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘šπ‘ . π‘ƒπ‘Žπ‘” π‘›π‘Žπ‘€π‘Žπ‘™π‘Ž π‘Žπ‘›π‘” π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’, π‘’π‘£π‘’π‘Ÿπ‘¦π‘‘β„Žπ‘–π‘›π‘” π‘π‘Ÿπ‘’π‘šπ‘π‘™π‘’. π‘†π‘œ, π‘‘β„Žπ‘Žπ‘‘β€™π‘  β„Žπ‘œπ‘€ π‘–π‘šπ‘π‘œπ‘Ÿπ‘‘π‘Žπ‘›π‘‘ π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘ π‘Ž β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘š. 𝐼𝑛 π‘’π‘£π‘’π‘Ÿπ‘¦ π‘Žπ‘ π‘π‘’π‘π‘‘ π‘œπ‘“ β„Žπ‘’π‘Žπ‘™π‘‘β„Ž, π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘£π‘’π‘Ÿπ‘¦ π‘–π‘šπ‘π‘œπ‘Ÿπ‘‘π‘Žπ‘›π‘‘.”

Mensahe kini sa pakigpolong ni Dr. Jose Rhoel De Leon, Bukidnon Provincial Health Sector Overseer, ang nagrepresenta kang Governor Rogelio Neil P. Roque sa gilusad nga Barangay Nutrition Scholars (BNS) Forum and Recognition Day 2023, Nobyembre 21, 2023.

Nahigayon ang kalihokan sa Kaamulan Open Theater, Kaamulan Park, Malaybalay City, Bukidnon.

Gipasabot ni Dr. De Leon ngadto sa gikunsidera nga local heroes – ang BNS, nga ang nutrisyon mahinungdanon nga bahin sa kahimsog ug kalambuan. Ingon niya, nga kini may kalabotan sa pagpauswag sa kahimsog sa bag-ong himugso nga mga bata, ingon man sa mga inahan para sa mas lig-on nga immune system aron makalikay sa risgo sa non-communicable diseases, sama sa diabetes ug cardiovascular disease.

Mipadangat usab sa ilang mensahe-pagsuporta sa programa sa maayong panglawas sila Board Members Minerva Casinabe ug Ranulfo Jose Pepito, Jr.

Gipasalamatan ni Dr. Gary Guido C. Tabios, Jr, Provincial Health Officer si Gov. Roque sa nagapadayon nga mga programa sa Monitoring and Evaluation of Local Level Plan Implementation (MELLPI) Pro.

Butyag niya nga sa lima (5) ka probinsya sa Northern Mindanao, ang Bukidnon lamang ang nagpahigayon sa evaluation ngadto sa component LGUs niini.

Gipaambit sa dinapit nga mamomolong nga si Sherill Faith Espaňola, City Nutrition Program Coordinator sa Cagayan de Oro City ang ilang mga estratihiya o best practices sa pagpatuman sa nutrition program sa dakbayan.

Sa samang higayon, gipasidunggan sa Provincial Government of Bukidnon (PGB) ang mga aktibong lumilihok sa nutrisyon.

Sa 2022 Provincial Outstanding BNS: nag-una ang Barangay Kiara, Don Carlos; gisundan sa Sto. Niňo, Manolo Fortich; Poblacion, Impasugong; Laturan, Libona; ug San Jose, San Fernando.

Sa 2022 Provincial Outstanding Municipal Action Officer, 1. Ang MNAO sa Manolo Fortich, 2. Cabanglasan, 3. Sumilao, 4. Libona, 5. Don Carlos, 6. Maramag, 7. Pangantucan ug San Fernando, 8. Kitaotao, 9. Lantapan, ug 10. Impasugong.

Sa 2022 Provincial Outstanding Municipal Nutrition Committee, top 10 ang mosunod: Sumilao, Cabanglasan, Maramag, Pangantucan, San Fernando, Kitaotao, Impasugong, Lantapan, Talakag, ug Dangcagan.

Samtang Nutrition Honor Awardees ang mosunod nga LGUs: Manolo Fortich, Quezon, Don Carlos, Libona, ug Kadingilan.

Giila usab sa PGB ang kontribusyon sa mga BNS nga nagpahinungod sa ilang kinabuhi sa pagserbisyo sa katawhan sa barangay sulod sa taas nga panahon.

Ang MELLPI Pro mao ang monitoring and evaluation mechanism alang sa pagpatuman sa Philippine Plan of Action for Nutrition sa local level nga gihimo sa matag tuig sa interagency nutrition evaluation team sa national, regional, ug local levels. (PGO-PAIA Division)

Latest Article

Opisyal sa NPA nasikop sa Malaybalay
Gov’t property sa Dalwangan gisudlan sa illegal occupants
Bukidnon Airport target mahimong operational sa Disyembre
4th anniversary sa Quezon Health Center Infirmary gisaulog
BOSS Ironman Motorcycle Challenge ug susamang kalihokan gidili sa Malaybalay
β‚±11-M unang Rice Processing System sa RCEF sa Region 10 gi-inagurahan sa Malaybalay
Bukidnon’s Mackoy FC hoists men’s open title at 20th Thirsty Football Cup
2 reds surrender to Army in Manolo Fortich
Bukidnon launches gender dev’t tool to modernize public service
ATI convenes Bukidnon livestock planners to align regional output with national demand

Related Post

Opisyal sa NPA nasikop sa Malaybalay
MALAYBALAY CITY, Bukidnon – Nasikop sa hiniusang pwersa sa kapolisan ang usa ka giingong opisyal sa New People’s Army (NPA) pasado alas 11:00 sa buntag niadtong Pebrero 18, 2026, sa Barangay 7 ning siyudad Sumala sa report sa Bukidnon 1st Provincial Mobile Force Company, ang dinakpan giila nga si Ronald L. Landasan, alyas β€œGamay” ug...
Read More
Gov’t property sa Dalwangan gisudlan sa illegal occupants
MALAYBALAY CITY, Bukidnon – Gisudlan sa kapin 20 ka illegal occupants nga armado og mga lampas kaniadtong Pebrero 21, 2026, ang National Beef Cattle Research and Development Center nga ubos sa Bureau of Animal Industry, nga nahimutang sa Lot 184, Purok 5, Barangay Dalwangan, ning siyudad Sumala sa report sa Malaybalay City Police Station, puwersahang...
Read More
Bukidnon Airport target mahimong operational sa Disyembre
CAGAYAN DE ORO CITY – Giseguro sa Department of Transportation (DOTr) nga mahimong operational na ang Bukidnon Airport alang sa turbo-prop commercial flights sa umaabot nga bulan sa Disyembre 2026 Sumala sa press release sa LGU Bukidnon, base kini sa update nga gipadayag ni Engr. Rodrigo C. De Vera, division chief sa Air Transport Planning...
Read More