Panid Bisaya
Lending office sa Don Carlos giransak
0
Share this post?
Giransak sa wala mailhing suspek ang One B Lending Office sa Purok 3, Brgy. Poblacion Norte, Don Carlos, Bukidnon
Sumala sa report ni Police Major Al-Nico R. Raman, OIC sa Don Carlos Municipal Police Station, nadiskobre sa babayeng account officer sa establisemento ang hitabo pasado alas 6:40 sa buntag niadtong Hulyo 28, 2025.
Nasuta sa ocular inspection nga ang suspek nakasulod pinaagi sa pagdaut sa bintana nga nahimutang sa kasilyas sa opisina.
Ang dugang imbestigasyon nagpadayag nga ang approximately ₱21,187.00 nga kuwarta nga gibutang sulod sa drawer ang nawagtang ug gidudahang gilimas sa suspek.
Padayon pa ang imbestigasyon sa kapolisan sa Don Carlos MPS aron sa pag-ila ug pagsikop sa suspek. (Diego M. Hidalgo)
Latest Article
Related Post
Patay ang usa ka lalaki human kini nahulog sa usa ka pangpang nga gibanabanaang mokabat og 100 metros ang kalawmon sa Sityo Upper Sabangan, Barangay Dalirig, Manolo Fortich, Bukidnon, gabii sa Disyembre 30, 2025 Sumala sa report ni Police Lt. Col. Evary E. Bacunawa, hepe sa Manolo Fortich Municipal Police Station, ang mga kadugo sa...
Lima ka myembro sa giingong Communist Terrorist Group (CTG) ang boluntaryong misurender niadtong Enero 4, 2026, sa 1003rd Maneuver Company, Regional Mobile Force Battalion 10 (RMFB 10) Headquarters sa Sityo Colon, Barangay Halapitan, San Fernando, Bukidnon Sumala sa report sa Police Regional Office 10, lakip sa mga misurender ang usa ka PSR-listed ug upat ka...
Naugdaw sa sunog ang usa ka school building sa Sityo Kaulayanan, Barangay Lirongan, Talakag, Bukidnon, niadtong buntag sa Enero 4, 2026 Ang nasunog nga pasilidad naglangkob sa tulo ka classrooms ug usa ka principal’s office, lakip na ang usa ka makeshift storage room nga nahugno tungod sa kalayo. Sumala sa report ni Police Major Kevin...