Ang Department of Agriculture (DA) nag-host sa National Information Caravan sa Bukidnon aron i-connect ang mga mag-uuma sa mga nag-unang programa ug serbisyo sa agrikultura

Sumala sa Facebook page sa DA Regional Office 10, kapin sa 500 ka mga mag-uuma uban sa ilang mga agricultural technicians ug uban pang mahinungdanong stakeholders sa agrikultura sa probinsya sa Bukidnon ang nagkatigum kaniadtong Septiyembre 9, 2025 sa Kaamulan Park Open Theater sa Malaybalay City, Bukidnon.

Ang kalihokan nagtumong sa pagpalambo sa kahibalo ug pag-access sa mga programa ug serbisyo sa agrikultura ug pangisdaan sa ahensya.

Giorganisar kini sa Agriculture and Fisheries Information Division kauban ang DA-Regional Field Office 10, mga attached bureaus ug agencies niini, ug ang provincial ug municipal government units sa Bukidnon.

Ang kalihokan naghatag og plataporma aron ma-empower ang grassroots nga magamit sa hingpit ang maong mga oportunidad, ipaambit ang mga success stories ug best practices, ug palig-onon ang kapasidad sa mga mag-uuma sa tunga sa mga hagit sa sektor. (melbmadera)