Gidala sa Bukidnon Provincial Hospital–San Fernando ang usa ka hingkod nga magtiayon aron matambalan human sila gipanigbas sa Purok Singko, Sityo Abijid, Barangay Tugop, San Fernando, Bukidnon, hapon sa Martes

Sumala sa asawa, pasado alas singko sa hapon samtang pauli sila gikan sa umahan, ilang
nasugatan ang kurenta-anyos nga suspek nga si alyas “Bebeb,” nga giingong ubos sa
impluwensya sa ilimnong makahubog ug armado og bolo.
Matod sa report sa San Fernando Municipal Police Station, gikompronta sa suspek ang biktima
nga miresulta sa mainiton nga panaglalis.
Dayon gitigbas sa nakasibat nga suspek ang bana nga naigo sa tuong bahin sa lawas ug wala nga
bukton.
Ang asawa misulay pagpakalma sa suspek apan nasamdan usab siya dihang gitigbas kini ug
naigo sa tuong ring finger. (melbmadera)