Miabot sa 30 traynta ka forest fire incidents ang natala sa dakbayan sa Malaybalay, Bukidnon
gikan sa bulan sa Abril hangtod Hunyo ning tuiga, diin kadaghanan sa mga nasunog mao ang
mga grassland ug plantasyon sa kahoy.

Gibutyag kini ni Jessie Suson, city environment and natural resources officer atol sa press
conference kaniadtong Hulyo 29.
Sumala sa datos nga iyang gipresenta, tag-isa ka insidente ang naitala sa Barangay 1 ug
Barangay 9 sulod sa Provincial Tree Park, walo sa Can-ayan, duha sa Casisang, pito sa
Kalasungay, tulo sa Kibalabag, isa sa St. Peter, ug pito usab sa Sumpong.

Matud pa ni Suson, adunay 40 ka patrollers ug 12 ka fire fighters ang dakbayan nga nagbantay
ug motubag sa mga insidente sa sunog sa kalasangan ug kabungturan aron mapugngan ang
dugang pang kadaot sa kinaiyahan. (melmadera)