Nasikop ang usa ka babaye ug lalaki sa buy-bust operation sa ilegal nga droga sa Purok 4, Barangay West Poblacion, Kalilangan, Bukidnon, buntag sa Oktubre 17, 2025

Ang 43-anyos nga babayeng nakorner nailang si Alyas “Vic-vic” (High Valued Individual), samtang ang iyang kaubang 39-anyos nga lalaki nailang si Alyas “Sitoy.”

Si Police Captain Romeo M. Arcilla, Jr., OIC sa Kalilangan Municipal Police Station, sa iyang report, nag-ingon nga ang kinatibuk-ang gibug-aton sa nakumpiskang ilegal nga droga nga “shabu” niabot sa 100.90 ka gramo, nga may standard drug price nga PhP686,120.00.

Sa pagkutlo niining balita, gihikay na ang kaso batok sa mga nadakpan nga suspetsado alang sa paglapas sa RA 9165, Sections 5 ug 11, Article II.

Ang duha gidala sa Kalilangan MPS alang sa husto nga disposisyon, samtang ang nakumpiskang ebidensya gisumite sa Provincial Forensic Unit para sa qualitative ug quantitative nga eksaminasyon.

Ang duha nasikop sa mga miyembro sa Kalilangan MPS sa koordinasyon sa Buk PIU, 1004th Company RMFB 10, ug PDEA 10. (Omar Rashid Z. Abdullah)