Thursday, October 23, 2025

Panid Bisaya

Bag-ong facility sa Valencia City farmer’s Market natugyan

0

Central Mindanao Newswatch - local newspaper

Share this post?

Gipangunahan ni Mayor Amie Galario ang seremonya sa pag-turnover sa mga bag-ong pasilidad sa Valencia City Farmer’s Market niadtong Oktubre 21, 2025

Lakip sa proyekto ang pag-convert sa usa ka bahin sa dry goods section ngadto sa wet section nga adunay 28 ka lantay (countertops) ingon man ang dugang 25 ka fruit stalls ug 23 ka bag-ong dry goods stalls.

Kauban usab niini ang pagtukod og shed terminal alang sa mga barangay-bounded vehicles, ingon man ang canal ug pathway bridge nga nagsumpay sa ikaduhang andana sa Building B padulong sa dalan.

Nagkantidad og ₱9,499,653.10 ubos sa Capital Outlay sa Office of the City Economic Enterprise ang maong pag-improbar sa mga pasilidad, nga gilaumang makapauswag sa economic activities sa dakbayan ug makasuporta sa panginabuhian sa mga vendors ug farmers.

Gipaabot ni Mayor Galario ang iyang hugot nga suporta sa mga inisyatibo, programa, ug proyekto nga nagpalig-on sa agrikultura, lokal nga komersiyo, ug ekonomiya, aron mapadayon ang paglambo nga makabenepisyo sa katawhan.

Gitambongan ang kalihokan sa Mafil Builders Inc., City Events Committee, mga stall vendors, ug ni Former Mayor Jun Galario.

Kini nga proyekto nagtimaan sa padayon nga paningkamot sa administrasyon sa paghatag og mas episyente, organisado, ug maayong pasilidad alang sa mga mag-uuma ug stall vendors sa dakbayan.(pr)

Related Post

Nasikop ang usa ka babaye ug lalaki sa buy-bust operation sa ilegal nga droga sa Purok 4, Barangay West Poblacion, Kalilangan, Bukidnon, buntag sa Oktubre 17, 2025 Ang 43-anyos nga babayeng nakorner nailang si Alyas “Vic-vic” (High Valued Individual), samtang ang iyang kaubang 39-anyos nga lalaki nailang si Alyas “Sitoy.” Si Police Captain Romeo M....
Gawas sa drug paraphernalia, nasakmit gikan sa 50-anyos nga babayeng drug suspect nga si Alyas Mommy ang gidudahang shabu ug marijuana sa raid sa iyang panimalay sa Purok 3, Brgy. Tawas, Kitaotao, Bukidnon, buntag sa Oktubre 15, 2025 Sumala sa report ni Police Captain Charlon H. Sevilla, OIC sa Kitaotao MPS, nibalor sa P340,000.00 ang...
Giila ang Malaybalay City, Bukidnon, isip usa ka Outstanding Local Government Unit Implementer sa Department of Social Welfare and Development (DSWD) Social Pension Program for Indigent Senior Citizens (SPISC) Sumala sa Facebook post sa DSWD Northern Mindanao, kini nahitabo atol sa 2025 SocPen Parangal nga gipahigayon sa Puerto Princesa, Palawan kaniadtong Oktubre 16, 2025. Ilalom...