Sunday, October 05, 2025

Panid Bisaya

Bag-ong opisyales sa Malaybalay Liga ng Barangay, nanumpa na

0

Central Mindanao Newswatch - local newspaper

Share this post?

Nanumpa na ang mga bag-ong opisyales sa Liga ng mga Barangay – Malaybalay Chapter niadtong Disyembre 15, 2023

Nahigayon ang pagpanumpa human sa piliay sa maong adlaw sa Liga ng mga Barangay (LnB) Admin Building sa Barangay Sumpong, Malaybalay City.

Nanumpa sila sa atubangan ni Mayor Jay Warren Pabillaran, sumala sa kasayoran gikan sa kagamhanang lokal sa Malaybalay.

Napiling bag-ong Liga President si Punong Barangay Julius Manghano sa Brgy. 8.

Bise Presidente si Punong Barangay Glorio Sajulga sa Aglayan, ug Auditor si Punong Barangay Marjun Mancila sa Capitan Angel.

Miyembro sa Board of Directors sila Punong Barangay Bernard Dumala sa Busdi, Punong Barangay Emilio Cid sa Brgy. 11, Punong Barangay Nilo Salga sa Brgy. 10, Punong Barangay Rumel Castilla sa Brgy. 5, Punong Barangay Renante Okit sa Patpat, Punong Barangay Lyzander Cedrick Maandig sa Brgy. 3, Punong Barangay Manuel Evangelista sa Linabo, ug Punong Barangay Aries Vincent Jurolan sa Managok.

Nagpasalamat si Mayor Pabillaran sa hapsay, malinawon, ug dayag nga piniliay.

Gipaabot niya ang mainitong pag-congratulate sa bag-ong napili nga mga opisyal sa LnB.

Nanghinaut usab siya nga hugtan pa ang paghatag sa serbisyo basi sa mandato nga gisalig diha kanila sa katawhan.

Si Manghano ang mopresentar sa hawanan sa Konseho sa dakbayan isip ex-officio ug magkapot sa komitiba sa Barangay Affairs and Community Development. (melbmadera)

Related Post

Nasakmit ang gidudahang shabu sa team sa Damulog Municipal Police Station (DMPS) sa reyd nga napahigayon sa panimalay sa isa ka lalaking suspek sa Purok 7, Brgy. Macapari, Damulog, Bukidnon, buntag sa Setyembre 27, 2025 Sa report ni Police Captain Marlon C. Subrian, OIC sa Damulog MPS, nasayran nga ang suspek usa ka 48-anyos, minyu,...
Isa ka lalaking negosyante ang gipusil patay buntag sa Setyembre 26, 2025, sa Purok-3A, Barangay Kahaponan, Valencia City, Bukidnon Sa iyang report, si Police Lt. Col. Bryan M. Panganiban, COP sa Valencia City Police Station, nag-ingon nga ang biktima nailhan sa ulahi sa iyang mga paryente nga isa ka 35-anyos, minyo, ug residente sa dapit....
Kaniadtong buntag sa Oktubre 1, 2025, nasikop sa hiniusang team sa kapolisan ang Top 3 most wanted person sa regional level didto sa Purok-3, Brgy. Maapag, Valencia City, Bukidnon Sa iyang report, ang dinakpan giila ni Police Lt. Col. Bryan M. Panganiban, COP sa Valencia City Police Station, nga isa ka lalaking 61-anyos, uliwato, habal-habal...