Saturday, March 29, 2025
Panid Bisaya
Bukidnon Top 4, Top 6, Top 7, Top 9 MWP nakorner sa kapolisan
0
Share this post?
Nakorner sa hiniusang pwersa sa kapolisan ang Top 4, Top 6, Top 7, ug Top 9 Bukidnon Most Wanted Person sa managlahing lugar ug higayon
Ang Top 4 MWP, naila nga si Leonardo Caracol y Simburio, 38, minyo, mag-uuma ug residente sa Purok 4, Brgy. Bismartz, Don Carlos, Bukidnon.
Gisikop siya sa kapolisan sa iyang panimalay niadtong Mayo 31, 2023 sa duha ka ihap sa kasong Incestuous Rape.
Nasikop sab sa kapolisan Si Ricky Castigador y Asuga, ang Top 6 MWP sa Bukidnon, 54, minyo, ug residente sa P10, Sinayawan, Valencia City, Bukidnon.
Siya nasikop sa Sitio Buntalan, Poblacion, Malungon, Sarangani Province, niadtong Mayo 31, 2023 sa kasong Qualified Rape.
Sa laing bahin, gisikop sab ang Top 7 MWP nga giilang si Robinson Rafael Sibayan alyas “Robinson Subayan”, 42, minyo, mag-uuma, ug residente sa P-4, Central Poblacion, Kalilangan, Bukidnon.
Gisikop siya niadtong Mayo 27, 2023 sa kasong paglapas sa Section 11 & 12, Art. II of RA 9165.
Samtang ang Top 9 MWP mao si Jimboy Sayana y Ganiahan, 32, minyo, mag-uuma, ug residente sa Brgy Lirongan, Talakag, Bukidnon.
Gisikop siya kaniadtong Mayo 31, 2023 sa kasong murder.
Ang Bukidnon Police Provincial Office, sa ilang nahipos nga report nitaho nga ang suspek anaa na sa estasyon sa kapolisan alang sa hustong disposasyon. (MG Mayumi B. Madera)
Latest Article
Related Post
Kaniadtong Marso 3, 2025, gipahigayon ang Pamuhat, usa ka ritual nga kabahin sa kasaulogan sa 27th Charter Day celebration sa Malaybalay City, Bukidnon Gipahigayon ang maong kalihokan sa New City Hall Grounds sa Barangay Casisang, Malaybalay City. Mitambong sa ritual ang mga baylan ug mga lider sa indigenous peoples sa dakbayan. Anaa usab sa maong...
Nibalor og Php 2,041,360.00 ang gidudahang shabu nga nasakmit sa hiniusang puwersa sa kapolisan atol sa usa ka buy-bust operation sa Purok 1, Barangay Lumbo, Valencia City niadtong hapon sa Marso 1, 2025 Nasikop usab ang lalaking suspek nga si Alyas “Jason,” nga gikonsiderang high-value individual, 25-anyos, ug residente sa Purok 2B, Barangay San Miguel,...
Ang lokal nga pangagamhanan sa Bukidnon, lakip ang 20 ka munisipyo ug duha ka dakbayan sa probinsya, nakapasar sa 2024 Good Financial Housekeeping sa ilang matag kategorya Sumala kini sa Facebook post sa Department of the Interior and Local Government (DILG) Bukidnon. Matod sa DILG Bukidnon, kini nga talagsaong milestone usa ka testamento sa walay...