Gipamatud-an pag-usab ni Lantapan, Bukidnon Mayor Ricky James D. Balansag ang iyang lig-
on nga pasalig sa pag-alagad sa katawhan uban sa hustisya, panaghiusa, ug walay pagtan-aw sa
politikal nga kahimtang sa matag lumulupyo

Atol sa programa sa pagsaulog sa ika-128th nga Adlaw sa Kagawasan sa Pilipinas kaniadtong
Hunyo 12, gipasiugda ni Mayor Balansag nga isip mga alagad sa publiko, ilang katungdanan ang
pagserbisyo sa tanang konstituwente nga patas ug walay diskriminasyon o political preference.
Matud niya, ang tinuod nga diwa sa kagawasan ug panaghiusa dili lamang makita sa mga
kasaulogan kondili kinahanglan usab nga mapadayag pinaagi sa matinud-anon ug responsableng
serbisyo publiko.
Gipasalig usab sa mayor nga magpadayon ang lokal nga panggamhanan sa pagpaminaw sa mga
panginahanglan sa katawhan, paghatag og kalidad nga serbisyo, ug pagtrabaho nga makugihon
alang sa kaayohan ug kalamboan sa tibuok komunidad. (melbmadera)