Panid Bisaya
Fetus gilabay sa Manolo Fortich
0
Share this post?
Usa ka male fetus ang napalgan nga gilabay sa barangay road sa Purok 4, Batingtingan, Barangay Alae, Manolo Fortich, Bukidnon, niadtong buntag sa Pebrero 2, 2026
Ang maong fetus gibutang sa sulod sa usa ka asul nga eco bag lakip ang placenta niini, sumala sa mga awtoridad.
Basi sa report sa Manolo Fortich Municipal Police Station, gibanabana nga anaa sa pito hangtod walo ka bulan ang edad sa maong fetus.
Usa ka lalaki ang unang nakadiskubre niini samtang naglakaw paingon sa Barangay Hall sa Alae.
Gipahigayon na ang physical examination sa fetus pinaagi sa mga personahe sa Department of Health (DOH). Samtang, ang Manolo Fortich MPS nagpahigayon na og backtracking sa mga CCTV footage sa maong lugar aron mailhan ang posibleng responsable sa paglabay sa fetus. (melbmadera)
Latest Article
Related Post
Patay ang drayber samtang angol ang iyang duha ka kauban human mibangga sa punoan sa narra nga kahoy ang usa ka puti nga Fuso self-loader truck sa Sayre Highway sa Lower Purok 1, Brgy. Kisolon, Sumilao, Bukidnon hapon sa Pebrero 13, 2026 Sa imbestigasyon sa Sumilao Municipal Police Station, nasayran nga gikan sa Malaybalay City...
Isa ka 37-anyos nga lalaki ang nakuryentehan sa Purok 21, Musuan, Dologon, Maramag, Bukidnon hapon sa Pebrero 13, 2026 Sumala sa report sa Maramag Municipal Police Station, nasayran sa imbestigasyon nga nangisda ang biktima gamit ang live wire sa maong lugar. Ikasubo, nasayop siya sa paggunit sa live wire nga hinungdan sa iyang pagkakuryente....
Mikabat sa 22 ka paresan ang miapil sa mass wedding ceremony sa Valentine’s Day nga gipahigayon sa Robinsons Place Valencia niadtong Pebrero 14, 2026 Sumala sa pahibalo sa City Government of Valencia, personal nga gidumala ni Mayor Azucena “Amie” G. Galario ang seremonyas. Ang kalihokan gi-organisar sa City Civil Registrar’s Office ubos sa pagdumala...