Nakuha sa mga otoridad ang loose firearms, mga bala ug granada sa buy bust operation nga gipahigayon sa MKADC Compound, Brgy. Lurugan, Valencia City niadtong Pebrero 4.

Sumala sa taho sa kapolisan, ang suspek nailang si Felix Beltran, 32, ug residente sa Purok 17, Hindangon, Brgy. Poblacion, Valencia City ug casual employee sa MKADC.

Nakuha gikan sa iyang posisyon ang kalibre .45 pistola, kalibre .38 revolver, hand grenade, duha ka steel magazine ug 15 ka bala sa kalibre .45 pistola, unom ka bala sa kalibre .38 revolver, dagger, inside holster, P500 marked money ug motorsiklo.
Ang hiniusang puwersa sa otoridad nga misikop sa suspek gilangkuban kapolisan sa Valencia, Criminal Investigation and Detection Group CIDG) Bukidnon, 2nd Provincial Mobile Force Company sa Bukidnon Police Provincial Office, 1003rd Maneuver Company ug Regional Mobile Force Battalion 10.

By: Mel B. Madera