Isa ka lalaking gunsmith ang nakorner sa kapolisan sa entrapment operation sa Purok 4, Brgy. San Jose, San Fernando, Bukidnon buntag sa Setyembre 23, 2025

Sa report ni Police Major Anthony O. Townend, OIC sa Bukidnon First Provincial Mobile Force Company, ang isa ka 36-anyos nga residente sab sa dapit.

Nakuha gikan sa posisyon sa suspek ang upat ka improvised 12-gauge shotgun, upat ka improvised magazine, lakip ang isa ka kapsola sa bala sa maong armas, P1,000.00 bill, ug 19 pieces sa boodle money.

Ang pisikal nga imbentaryo sa nakumpiskar nga ebidensya gihimo didto mismo sa lugar sa pagdakop, atubangan sa nadakpan ug gisaksihan sa isa ka Brgy. Kagawad.

Ang nadakpan uban sa ebidensya gidala sa San Fernando MPS alang sa dokumentasyon ug pagkahuman, giturn-over ngadto sa Bukidnon Provincial Forensic Unit sa Malaybalay City para sa eksaminasyon.

Isa ka kaso sa paglapas sa R.A. 10591, kon Comprehensive Firearms and Ammunition Regulation Act, ang giandam alang sa inquest proceedings.

Ang suspek nakorner sa hiniusang puwersa sa Bukidnon 1st PMFC uban sa San Fernando Municipal Police Station, ug sa koordinasyon sa Provincial Intelligence Unit. (Diego M. Hidalgo)